Amerika səfiri iftar süfrəsi açıb

Avqustun 1-də ABŞ-ın Azərbaycandakı səfiri Riçard Morninqstar öz iqamətgahında iftar süfrəsi açıb.

Mərasimdə Qafqaz Müsəlmanları İdarəsinin sədri şeyxülislam Hacı Allahşükür Paşazadə, Milli Məclisin deputatları, dini konfessiyaların rəhbərləri, ziyalılar, ictimai xadimlər, vətəndaş cəmiyyətinin təmsilçiləri, media  rəhbərləri, bir çox diplomatik missiyaların nümayəndələri  iştirak ediblər Səfir prezident Barak Obamanın dünya müsəlmanlarına ünvanlanmış Ramazan təbrikinə istinad edərək Azərbaycan müsəlmanlarını təbrik edib. 

Səfir bildirib ki, bu ay ərzində müsəlmanlar öz mənəvi aləmlərini növbəti il üçün yeniləyirlər. “Böyük sevinc hissi ilə qeyd etmək istəyirəm ki, azərbaycanlılar əsrlər boyu müxtəlif dini etiqadlara və milli azlıqlara hörmət hissi ilə yanaşıb”, - o qeyd edib.

A.Paşazadə Azərbaycanın dünyada tolerant ölkə kimi tanındığını diqqətə çatdırıb.

  “Tarix boyu Azərbaycanda mövcud olan tolerantlıq yəhudilər, xristianlar və müsəlmanların birgə yaşamasına şərait yaradıb. Bu,  dünya üçün bir model olmalıdır”, - o  qeyd edib.-03C-