![Amerikanın ATƏT-dəki nümayəndəsi Azərbaycanda fəalların təqibini tənqidə məruz qoyub](https://turan.az/resized/750/500/resize/media/2014/main/012300066519.jpg)
Amerikanın ATƏT-dəki nümayəndəsi Azərbaycanda fəalların təqibini tənqidə məruz qoyub
ABŞ-ın ATƏT-dəki missiyasının siyasi müşaviri Kristofer Robinson yanvarın 23-də Vyanada ATƏT-in Daimi Şurasının iclasında Azərbaycanda müxalifət fəalı Yadigar Sadıqovun 6 il həbs cəzasına məhkum edilməsi ilə bağlı narahatlığını bildirib.
“Birləşmiş Ştatlar Azərbaycanda məhkəmənin 13 yanvar tarixli Yadigar Sadıqovun xuliqanlıq ittihamı ilə azadlıqdan məhrum edilməsi haqqında hökmündən narahatdır. Cənab Sadıqov siyasi fəal və Müsavat Partiyası rəhbərinin müşaviri idi. O, 2013-cü ilin iyununda 9 oktyabr prezident seçkiləri ilə bağlı seçki kampaniyası başlamazdan əvvəl həbs edilib”, deyə Robinson bildirib.
Sadıqovun həbsi və mühakiməsi Azərbaycanda vətəndaş cəmiyyətinə və siyasi plüralizmə toxunan həyəcan yaradan hadisələr seriyasından daha bir faktdır. “Biz qanunsuz sahibkarlıqda və vergi ödənişindən yayınmaqda ittiham olunan Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədlinin və “Könüllülərin Beynəlxalq Əməkdaşlığı” QHT-nin fəallarının işinin araşdırılmasını diqqətlə izləməkdə davam edirik. Bir müddət əvvəl Daimi Şurada cənab Məmmədlinin həbsinin rəhbəri olduğu təşkilatın seçkilərin təşkilinin monitorinqini həyata keçirməsi ilə bağlı olması ilə əlaqədar narahatlığımızı ifadə etmişdik. Biz həmçinin İsmayıllı sakinlərini dinc etirazlara təhrik etməkdə ittiham edilərək həbs edilmiş Respublikaçı Alternativ hərəkatının lideri İlqar Məmmədovun və Müsavat Partiyasının sədr müavini Tofiq Yaqublunun, habelə orduda qeyri-döyüş şəraitində əsgər ölümlərinə etiraz aksiyası zamanı həbs edilmiş NİDA gənclər hərəkatının fəallarının işi üzrə araşdırmalar da diqqətlə izləməkdə davam edirik və zəruri hüquqi prosedurları təmin etməyə çağırırıq”, deyə Robinson əlavə edib.
O, həmçinin ABŞ-ın Azərbaycan hökumətinə ATƏT qarşısında götürdüyü insan hüquqlarına və əsas azadlıqlarına, qanunun aliliyinə riayət etmək üzrə öhdəliklərini yerinə yetirmək, o cümlədən məhkəmə proseslərində şəffaflığı və ədalətliliyi təmin etmək çağırışını təkrar edib.
ABŞ həmçinin prezident İlham Əliyevi parlamentin QHT haqqında qanunvericiliyə bu yaxınlarda qəbul etdiyi düzəlişləri təsdiq etməməyə və BMT xüsusi məruzəçisi Mayna Kiainin dinc toplaşmaq və birləşmək azadlığı hüquqları haqqında çağırışına uyğun olaraq düzəlişləri beynəlxalq standartlara və ATƏT qarşısında öhdəliklərə uyğunlaşdırmaq imkanlarını müəyyən etməyə çağırır.
Robinsonun bəyanatı ABŞ-ın ATƏT missiyasının saytında yerləşdirilib. -06D-
Siyasət
-
Azərbaycan prezidenti İlham Əliyev çərşənbə axşamı “Dövlət qulluğu haqqında” Qanuna dövlət sektorunda inzibati və yardımçı vəzifələrin təsnifatının dəqiqləşdirilməsinə yönəlmiş düzəlişlərin edilməsi haqqında fərman imzalayıb.
-
Azərbaycanda “Şəhid adının əbədiləşdirilməsi və şəhid ailələrinə edilən güzəştlər haqqında” qanuna hərbi qulluqçulara və müharibə əlillərinə dəstəyin artırılmasına yönəlmiş düzəlişlər qəbul edilib.
-
Azərbaycanın milli qanunverici orqanı olan Milli Məclis Azərbaycan Respublikası Konstitusiyasının 94-cü maddəsinə uyğun olaraq Ailə Məcəlləsinə dəyişiklikləri təsdiq edib. Azərbaycan vətəndaşları üçün xaricdə nikah prosedurlarının sadələşdirilməsinə yönəlmiş dəyişikliklər son qanunvericiliyə uyğun olaraq 2024-cü ilin mart və may aylarında qəbul edilib.
-
İyulun 17-də Bakı İnzibati Məhkəməsi hakim Orxan Həsənovun sədrliyi ilə İranda həbsdən qaçıb ağ bayraq qaldıran və 2023-cü il oktyabrın 12-də Azərbaycan Respublikasının dövlət sərhədini keçərək təslim olan İran vətəndaşı, azərbaycanlı siyasi fəal Puya Purhemmətinin Azərbaycan Dövlət Miqrasiya Xidmətinin siyasi sığınacaqla bağlı müraciətindən imtina etməsindən verdiyi şikayəti təmin etməyib.
Rəy yaz