Amerikanın müstəqillik günündə rok-n-roll və Şəki ləhcəsi

Bakı/02.07.22/Turan: İyulun 1-də ABŞ-ın Bakıdakı Səfirliyi Amerikanın müstəqilliyinin 246-cı ili ilə əlaqədar təntənəli qəbul təşkil edib. 

Ənənəvi olaraq Səfirliyin qarşısındakı parkda qeyd olunan bayram dəniz piyadalarının ABŞ bayrağını dalğalandırması və himnlərin oxunması ilə müşaiyət olunub. Bu dəfə himnləri Eurovision-2011-in qalibi Eldar Qasımov ifa edib.

Tədbirin aparıcısı (master of ceremony), səfirliyin hərbi attaşesi Dallas Smit toplaşanları yaxşı mənada təəccübləndirib, o, Şəki ləhcəsi ilə təmiz Azərbaycan dilində danışıb. 

Səfir Li Litzenberger və Azərbaycanın maliyyə naziri Samir Şərifov ənənəvi olaraq bir çox sahələrdə uğurlu əməkdaşlıqdan və energetika və təhlükəsizlik sahəsində böyük nailiyyətlərdən danışıblar.

Şərifov prezident Co Baydenin Müstəqillik Günü münasibətilə Azərbaycan prezidentinə ünvanladığı məktubu iki ölkə arasında strateji tərəfdaşlığın dəlili kimi göstərib.

Rəsmi hissəni yekunlaşdıran səfir Litzenberger rok-n-roll və Azərbaycanın azadlıq ruhu arasında müqayisə aparıb. "60-cı illərdə rok-n-roll ifadə azadlığının rəmzinə çevrildi. Gitara bu azadlığın rəmzi oldu. Azərbaycanda da adı gitaraya bənzəyən alət - tar var, o da azadlıq musiqisinin - muğamın əsas təmsilçilərindən biridir. Buna görə bu gün biz etiraf edirik ki, rok-n-rollun təkcə Amerika kökləri deyil, həm də Azərbaycan kökləri var", deyə diplomat sözünü tamamlayıb. -02В-