![Amnesty İnternational Azərbaycanda müsbət dəyişikliklər haqqında](https://turan.az/resized/750/500/resize/media/2016/main/050600155237.jpg)
Amnesty İnternational Azərbaycanda müsbət dəyişikliklər haqqında
Son iki ay Azərbaycanda insan hüquqları sahəsində vəziyyətin bir qədər dəyişəcəyinə ümid yaradıb, bu barədə məşhur hüquq müdafiə təşkilatı olan Amnesty İnternational-ın məlumatında deyilir.
Aprelin 19-da Azərbaycan hakimiyyəti nəhayət keçmiş vicdan məhbusları Leyla Yunus və Arif Yunusun müalicə üçün Niderlanda getməsinə icazə verib, onlar nəhayət ki, qızları Dinaraya qovuşublar.
Bundan əvvəl prezident İlham Əliyevin martın 17-də imzaladığı fərmanla 10 vicdan məhbusu – NİDA Gənclər Hərəkatının üzvləri Rəşadət Axundov, Rəşad Həsənov, Ömər Məmmədov və Məmməd Əzizov; hüquq müdafiəçiləri Rəsul Cəfərov, Hilal Məmmədov və Anar Məmmədli, habelə müxalifət fəalları Yadigar Sadıqov, Sirac Kərimov və Tofiq Yaqublu azadlığa çıxıb.
Həmçinin, siyasi motivli ittihamlarla həbsdə olan hüquq müdafiəçisi Taleh Xasməmmədov və jurnalist Rauf Mirqədirov azad edilib.
Martın 28-də nəhayət ki, məşhur vəkil-hüquq müdafiəçisi və hökumətin tənqidçisi İntiqam Əliyev azad edilib. O, 2014-cü ilin avqustunda həbs edilib və 2015-ci ilin aprelində saxtalaşdırılmış vergilərdən yayınma, qanunsuz sahibkarlıq və vəzifə səlahiyyətlərindən sui-istifadə ittihamları ilə yeddi il yarım həbs cəzasına məhkum edilib.
11 vicdan məhbusunun azad edilməsinə və Leyla və Arif Yunusun ölkəni tərk etmək qadağasının ləğvinə - bu gözəl xəbərlərə baxmayaraq, Azərbaycan həbsxanalarında hələ də yeddi vicdan məhbusu saxlanılır. Amnesty İnternational onların dərhal və qeyd-şərtsiz azad edilməsi üzrə kampaniyanı davam etdirəcək, deyə məlumatda bildirilir. -16D-
-
- Cəmiyyət
- 6 May 2016 18:02
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz