Ankara ilə İrəvan dəmiryol sərhəd-keçid məntəqəsinin açılması imkanını müzakirə edir
İyulun 30-da Ermənistan-Türkiyə arasında münasibətlərin normallaşdırılması üzrə Ermənistan və Türkiyənin xüsusi nümayəndələri, Ermənistan parlamentinin vitse-spikeri Ruben Rubinyan və səfir Serdar Kılıç Ermənistan-Türkiyə sərhədinin Marqara-Əlican sərhəd-keçid məntəqəsində beşinci görüş keçiriblər.
Görüşdən sonra heç bir açıqlama verilməyib. Bununla belə, Ermənistan tərəfi bildirir ki, tərəflər “Axurik-Akyaka dəmiryol sərhəd-keçid məntəqəsinin işə salınması üçün imkan yaradacaq texniki ehtiyacların qiymətləndirilməsi” barədə razılığa gəliblər.
Tərəflər iki ölkə arasında münasibətlərin tam bərpası üçün heç bir ilkin şərt qoyulmadan normallaşma prosesinin davam etdirilməsi ilə bağlı razılıqlarını təsdiqləyiblər.
Qeyd edək ki, İrəvan sərhədləri açmağa hazır olduğunu bəyan edir, lakin Ankara sərhədlərin açılmasını Bakı ilə İrəvan arasında sülh sazişinin bağlanmasının zəruriliyi ilə əlaqələndirir.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz