Ankarada bir gecədə 350 polis işdən qovulub

Türkiyə hakimiyyəti Ankara polisindən 350 zabiti işdən azad edib, xəbəri Türkiyənin Hurriyet Daily News nəşri yayıb. Bu, Erdoğan hökumətinin baş nazir tərəfdarları haqqında təhqiqatlara cavabı idi.

İşdən çıxarılan polislər terrora, mütəşəkkil cinayətkarlığa, maliyyə cinayətlərinə və kibercinayətlərə, qaçaqmalçılığa qarşı mübarizə, habelə kəşfiyyat şöbələrində işləyirdilər.

İşdən qovulanların təxminən 80 nəfəri rəhbər vəzifə tuturdu. Xüsusən, Ankara polis rəisinin müavini də onlar arasındadır. Boş qalan vəzifələrə artıq təxminən 250 yeni polis zabiti təyin edilib. Beləliklə, Erdoğanın güc qurumları ilə qarşıdurması yeni səviyyəyə çıxır.

Bir müddət əvvəl İstanbul polisində ixtisarlar aparılıb. Həmin vaxt Türkiyənin keçmiş nazirlərinin oğulları ilə bağlı korrupsiya haqqında işlərin araşdırılması ilə əlaqəsi olan 30-a yaxın polis vəzifəsindən məhrum edilib.

Korrupsiya haqqında işlər üzrə ilk həbslər dekabrın ortalarında aparılıb. Həmin vaxt 50-dən çox insan, o cümlədən həmin vaxtki üç nazirin oğulları saxlanılıb. Onlar rüşvətxorluqda və sahibkarlara inşaat üçün qanunsuz icazələr verməkdə ittiham olunublar. Saxlanılanların bir hissəsi sərbəst buraxılıb, lakin daxili işlər naziri Muammer Gülerin və Halkbank dövlət bankının top-meneceri olan iqtisadiyyat naziri Zafer Çağlayanın oğulları həbsdə qalıb.  -0-