Apellyasiya Məhkəməsi Araz Əliyevi həbsdə saxlayıb
Bakı/29.12.23/Turan: Bu gün Bakı Apellyasiya Məhkəməsində "Üçüncü Respublika" platformasının həmtəsisçisi Araz Əliyevin həbsilə bağlı şikayətə baxılıb.
Əliyev dekabrın 23-də saxlanılıb, ertəsi gün məhkəmə onu İnzibati Xətalar Məcəlləsinin 510 (xırda xuliqanlıq) və 535.1-ci (polisə tabe olmamaq) maddələrilə 25 sutka həbs cəzasına məhkum edib.
Müdafiə tərəfi apellyasiya şikayətində göstərib ki, Əliyev ona qarşı irəli sürülən hüquq pozuntularını törətməyib, saxlanılarkən özü fiziki təzyiqə məruz qalıb. Əliyev siyası fəliyyətinə görə həbs edildiyini deyib.
Buna baxmayaraq, məhkəmə şikayəti təmin etməyib, vəkil Nemət Kərimli Turan-a bildirib.
Onun sözlərinə görə, saxlanma zamanı zorakılıqla bağlı prokurorluğa şikayət edib.
Ancaq hələlik bununla bağlı ondan ifadə alınmayıb.
Vəkilin sözlərinə görə, Araz Əliyevin Daxili İşlər Nazirliyinin inzibati həbs olunanların saxlanma məntəqəsində rəftardan şikayəti yoxdur. –06B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz