Bakı/13.01.19/Turan: Bakı Apellyasiya Məhkəməsi general Qabil Məmmədovun Azərbaycan MSK-ya qarşı şikayətinə baxmaqdan imtina edib.
Şikayət 73-cü saylı Lənkəran seçki dairəsinin onun deputatlığa namizədliyini qeydiyyata almaqdam imtina etməsilə bağlıdır. MSK həmin qərarı qüvvədə saxlayıb.
Bakı Apellyasiya Məhkəməsi imtinanı onunla izah edib ki, ərazi baxımından bu məsələyə Şirvan Apellyasiya Məhkəməsində baxılmalıdır.
Q.Məmmədov bununla razı deyil, çünki Bakıda yerləşən MSK-nın hərəkətindən şikayət edib. O, Azərbaycan Ali Məhkəməsinə kassasiya şikayəti vermək niyyətindədir.–021D-
* * *
2020 Yanvar 13 (Bazar ertəsi) 18:12:20
MSK rəhbəri tabeliyindəki şəxslərin səhvlərini etiraf edir, amma onları düzəltmək üçün heç nə etmir
Bakı/13.01.20/Turan: 73-cü Lənkəran Seçki Dairəsindən deputatlığa müstəqil namizəd, Azərbaycan SQ-nin ehtiyatda olan generalı Qabil Məmmədov Lənkəran dövlət qurumlarının onun 9 fevral parlament seçkilərində iştirakına imkan verməmək üçün saxtakarlıqlara yol verdiyini bildirib.
Belə ki, yanvarın 2-də 73-cü Lənkəran Dairə Seçki Komissiyası Məmmədovun qeydiyyatından imtina edib, bunu onun beş avtomobil və 2 hektar torpaq sahəsindən ibarət mülkiyyətinin olduğu haqqında məlumatı DSK-dən gizlətməsi ilə əsaslandırıb.
Bu zaman DSK Lənkəran Polis İdarəsinin rəisi Fəqan Azadəliyevin və Dövlət Reyestri Xidmətinin Lənkəran regional idarəsinin sədri Etibar Qasımovun təqdim etdiyi arayışlara istinad edib.
Amma Azərbaycan DİN Yol Polisi İdarəsinin rəis müavini İlham Rəcəbovun və Azərbaycan Dövlət Reyestri Xidmətinin rəis müavini Elşad Məmmədovun təqdim etdiyi arayışlar sözügedən "sənədləri" təkzib edib.
Bu sənədlər əsasında Azərbaycan MSK yanvarın 10-da 73-cü DSK-nın qərarından Qabil Məmmədovun 5 avtomobili və 2 hektar torpaq sahəsi olması haqqında bəndlərin çıxarılması haqqında qərar qəbul edib.
Eyni zamanda, MSK sədri qeydiyyatdan imtina qərarını qüvvədə saxlamaq barədə qərar qəbul edib.
İmtinanın konkret səbəbi göstərilməyib, amma qərarda Qabil Məmmədovun imza vərəqəsində "şübhə" doğuran 17 imza olmasından bəhs edilir.
Əslində Məzahir Pənahov şübhə doğuran imzaların yenidən yoxlanılması barədə sərəncam verməli idi, amma o, imtinanı qüvvədə saxlamağı kafi hesab edib. Bundan başqa, o, MSK-ya saxta sənədlər təqdim etmiş məmurların əməllərinə heç bir qiymət verməyib.
Qabil Məmmədovun özünün sözlərinə görə, onun seçkilərə buraxılmaması məqsədilə açıq-aşkar saxtakarlıq göz önündədir. O, baş verənləri dövlət başçısının elan etdiyi, cəmiyyətdə mühitin sağlamlaşdırılması, ölkədə qanunun aliliyinin və ədalətin təmin edilməsinə yönəlmiş islahatların nüfuzdan salınması kimi qiymətləndirir.
Qabil Məmmədov hüquqlarının pozulması ilə əlaqədar məhkəməyə apellyasiya şikayəti verib, məhkəmənin ilk iclası 13 yanvar saat 16-ya təyin edilib. Eyni zamanda, o, yerli məmurların törətdiyi saxtakarlıq faktlarını araşdırmaq xahişi ilə Lənkəran Prokurorluğuna müraciət edib. -02B-
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz