Aysel Ümidova
Cümə axşamı Bakı Apellyasiya Məhkəməsində Meydan TV-nin jurnalisti Aysel Ümidovanın şikayətinə baxılıb.
Vəkil Aqil Layıcın verdiyi məlumata görə, müdafiə tərəfi məhkəmədən həbs qərarını ləğv etməyi və ya başqa qətimkan tədbiri ilə dəyişdirməyi xahiş edib.
Jurnalist qaçaqmalçılıq ittihamını təkzib edir, qaçaqmalçılıqla heç bir əlaqəsi olmadığını bildirir.
Ümidova jurnalist fəaliyyətinə görə təqib olunduğunu deyib. Lakin məhkəmə şikayəti təmin etməyib.
Vəkilin sözlərinə görə, Ümidovanın səhhətində problemlər var. O, panik-atakdan əziyyət çəkir. Polis bölməsində iki dəfə ona təcili yardım çağırılıb. Dekabrın 11-də İstintaq Təcridxanasında da vəziyyəti pisləşib.
* Meydan TV-nin 5 əməkdaşı və digər media qurumlarının daha iki nümayəndəsi oktyabrın 6-da "əvvəlcədən əlbir olan bir qrup tərəfindən xarici valyuta qaçaqmalçılığı" ittihamı ilə saxlanılıb.
Dekabrın 8-də məhkəmə onların hamısının 4 ay müddətinə həbs edilməsi barədə qərar çıxarıb.
Siyasət
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
-
Cümə axşamı Azərbaycan prezidentinin köməkçisi Hikmət Hacıyev Bakının Ermənistan-Azərbaycan sərhədində Avropa İttifaqının müşahidəçi missiyasının fəaliyyətinin dayandırılması zərurəti haqqında tələbini təkrar edib.
-
Dekabrın 12-də Azərbaycan müdafiə naziri Zakir Həsənov Türkiyə Hərbi Hava Qüvvələrinin komandanı ordu generalı Ziya Cemal Kadıoğlunun rəhbərlik etdiyi nümayəndə heyətini qəbul edib.
Rəy yaz