Bu gün Bakı Apellyasiya Məhkəməsi hakim Əflatun Qasımovun sədrliyi ilə NİDA hərəkatının fəalı və bloger Zaur Qurbanlının apellyasiya şikayətinə baxıb.
Şikayət Nəsimi rayon məhkəməsinin Qurbanlı barəsində qanunsuz partlayıcı maddə saxlamaq ittihamı ilə 3 ay müddətinə həbs qətimkan tədbirinin seçilməsi haqqında 1 aprel tarixli qərarından verilib.
Lakin hakim Qasımov şikayəti təmin etməyib və fəalı həbsdə saxlayıb, deyə vəkil Xalid Bağırov bildirib.
O, Qurbanlının işində açıq-aşkar saxtakarlıq olduğunu bildirib.
Belə ki, birinci instansiya məhkəməsi həbs qətimkan tədbiri haqqında məsələyə cinayət işinin materialları olmadan baxıb. İstintaq dünən Apellyasiya Məhkəməsində də işin materiallarını təqdim etməyib. Müdafiə tərəfin etirazından sonra hakim şikayətə baxılmasını çərşənbə axşamına qədər təxirə salıb.
Bağırovun sözlərinə görə, bu gün materiallar təqdim edilsə də, hakim onlara baxmayıb.
Xatırladaq ki, “Nida” Vətəndaş Hərəkatının üzvü Zaur Qurbanlıya qarşı Cinayət Məcəlləsinin 228.3-cü (qanunsuz olaraq partlayıcı maddələr və qurğular əldə etmə, hazırlama, daşıma və gəzdirmə) maddəsi ilə ittiham irəli sürülüb. Z.Qurbanlı barəsində məhkəmənin qərarı ilə 3 ay müddətinə həbs-qətimkan tədbiri seçilib.
Bundan əvvəl isə daha 6 nəfər NİDA-çı həbs olunub. -16B-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz