Bakı/29.10.19/Turan: Oktyabrın 29-da Bakı Apellyasiya Məhkəməsi 15 sutkalığa həbs edilmiş AXCP sədrinin müavini Seymur Həzinin işinə təkrar baxıb.
Maraqlıdır ki, oktyabrın 28-də Apellyasiya Məhkəməsi onun həbsindən şikayəti təmin etməyib.
Lakin oktyabrın 29-da Apellyasiya Məhkəməsi Xətai polisinin rəisinin şikayəti əsasında işə yenidən baxıb. O, fəalın cəzasının sərtləşdirilməsini tələb edib.
Məhkəmə polis rəisinin şikayətini təmin edib və S.Həzinin həbs müddətini 30 sutkaya qədər uzadıb.
S.Həzi məhkəmənin qərarını “siyasi” adlandırıb.
O hesab edir ki, həbsi ona görə uzadıblar ki, müxalifətin 2 noyabr mitinqində iştirakına əngəl törətsinlər.
Çünki əvvəlki məhkəmə qərarına əsasən S.Həzi noyabrın 1-də azadlığa çıxmalı idi.
Apellyasiya Məhkəməsi AXCP fəalı Nicat Nizamovun həbs müddətini də analoji qaydada 15 sutkadan 30 sutkayadək uzadıb.
Hər iki fəal 19 oktyabr mitinqinə iki gün qalmış həbs olunublar.
AXCP-də hesab edirlər ki, fəalların cəzasının sərtləşdirilməsində məqsəd onları 2 noyabr mitinqinə buraxmamaqdır.–21С--
Siyasət
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
-
Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçisi Liz Kristoffersen, vətəndaş cəmiyyəti fəalları Anar Məmmədli və Qubad İbadoğlunun sağlamlıq vəziyyətinin pisləşməsi ilə bağlı ciddi narahatlığını bildirib.
Rəy yaz