AŞPA üzvü, İspaniyalı deputat Pedro Aqramunt aprelin 8-9-da Bakıya səfər edəcək, xəbəri Avropa Şurasının mətbuat xidməti yayıb. Onun missiyasının məqsədi AŞPA komitəsi üçün “Azərbaycanın Avropa Şurasına sədrliyi: insan hüquqlarına hörmət üzrə hansı tədbirlər görülüb?” mövzusunda hüquq məsələləri və insan hüquqları üzrə məruzə hazırlamaqdır.
Səfər proqramına Aqramuntun ədliyyə naziri, baş prokuror, Ali Məhkəmənin sədri və bir sıra digər hakimlərlə görüşləri daxildir. Bundan başqa, Aqramunt insan hüquqları üzrə İşçi Qrupla, habelə Prezident Administrasiyasının rəhbəri ilə görüşəcək.
Məruzə hazırlanmasını Aqramunta AŞPA komitəsi hələ 2014-cü ilin iyun ayında, yerli fəalların siyasi məhbuslar problemləri ilə bağlı müraciətindən sonra tapşırıb. Bu, Azərbaycanın AŞ Nazirlər Komitəsinə sədrliyinin başlanğıcı ilə eyni vaxta təsadüf edib.
Azərbaycanın sədrliyi dövründə vəziyyət nəinki yaxşılaşmayıb, əksinə, pisləşib: Avropa Şurasına siyasi məhbuslar problemi haqqında məlumat verən hüquq müdafiəçilərinin – İntiqam Əliyev, Rəsul Cəfərov, Leyla Yunusun həbsləri davam edib. Daha bir hüquq müdafiəçisi Emin Hüseynov əsassız cinayət təqibindən xilas olmaq üçün İsveçrə səfirliyində gizlənmək məcburiyyətindədir.
2014-cü ilin sonlarında həbs edilmiş hüquq müdafiəçilərinin işini davam etdirən jurnalist Xədicə İsmayılova da həbs edilib.
Həmin vaxt Aqramunt susurdu və bir dəfə də Azərbaycana gəlməyib. Yalnız martda o, AŞPA Monitorinq Komitəsinin digər həmməruzəçisi, Polşalı həmkarı Tadeuş İvinski ilə birlikdə Azərbaycana səfər edib.
Bu zaman onlar ictimai bəyanatlarda uzaq durublar və mətbuat konfransı keçirməyiblər.
Aqramunt yerli vətəndaş cəmiyyətli fəalları arasında AŞPA-da “Azərbaycan hakimiyyətinin lobbiçisi” kimi tanınır. O, 2013-cü ilin yanvar ayında Kriştof Ştrasserin Azərbaycanda siyasi məhbuslar haqqında məruzəsinin qəbul edilməsinə fəal etiraz edənlərdən olub. Bu hesabatın uğursuzluğundan dərhal sonra Azərbaycanda fəalların, jurnalistlərin və blogerlərin yeni həbs dalğası başlayıb. -06D-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz