Azərbaycanın xarici işlər nazirinin müavini Araz Əzimov ABŞ Dövlət Departamentinin Azərbaycanda insan haqlarının pozulmasına dair hesabatına rəsmi Bakının münasibətini bildirib.
O, jurnalistlərlə söhbətində deyib ki, hesabatda qeyd olunan məsələlər hökumət tərəfindən öyrənilir. “Ancaq bu məsələni şişirtmək lazım deyil”, - o vurğulayıb.
“Azərbaycan hakimiyyəti, həm də qeyri-hökumət təşkilatları insan hüquqları ilə məşğuldur. Fondlardan tutmuş şuralara qədər hökumətin QHT-lərlə əməkdaşlıq etmək üçün kifayət qədər mexanizmləri var”, - o bildirib.
Hər bir cəmiyyətin öz xüsusiyyətləri var. Nəyisə təbliğ edən bir tərəf və ya şəxs əvvəlcə özü buna uyğun olmalıdır”, - A.Əzimov qeyd edib.
“Bu cür hesabatları, ümumiyyətlə, lazımsız hesab edərdim. Amma bilirəm ki, ABŞ və Qərb ölkələri üzrə analoji məruzələr başqa ölkələrdə hazırlanır və olduqca əsaslanmış hesab oluna bilər. Burada məruzələri hazırlayan mənbələri də nəzərə almaq lazımdır və deməzdim ki, mənbələr hər bir zaman obyektiv sayıla bilər”, - o vurğulayıb.-16D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz