![AŞPA Bakını mətbuata təzyiqlərə son qoymağa çağırıb](https://turan.az/resized/750/500/resize/media/2017/main/012500181306.jpg)
AŞPA Bakını mətbuata təzyiqlərə son qoymağa çağırıb
Çərşənbə axşamı Strasburqda AŞPA sessiyasında Ukraynalı deputat Vladimir Arevin mətbuat azadlığı sahəsində vəziyyət haqqında hazırladığı 2141 saylı qətnamə qəbul edilib.
Məruzədə Avropa Şurasına üzv ölkələrdə mətbuat azadlığının vəziyyətinin pisləşdiyi və orada 2015-ci ilin yanvarından etibarən 16 jurnalistin həlak olduğu bildirilir.
Yüzlərlə jurnalisti terrorçularla əlbir olmaqda və milli təhlükəsizlik üçün təhlükə yaratmaqda ittiham edən Türkiyə hakimiyyətinin siyasəti AŞPA-da xüsusi narahatlıq doğurur. Qətnamə bu ölkədə həbs edilmiş bütün KİV işçilərinin azad edilməsini və ölkədə hadisələrin "dramatik" inkişafına son qoyulmasını tələb edir.
Qətnamədə həmçinin "Rusiyanın işğal etdiyi Krım yarımadasındakı" vəziyyətdən, burada tatar əsilli jurnalistlərin, habelə Kiyevə loyal olan mətbuat işçilərinin fəal təqibinin davam etməsindən narahatlıq ifadə olunur.
Qətnamədə həmçinin Azərbaycanda mətbuat azadlığı sahəsində vəziyyətin pisləşdiyi, jurnalistlərin və blogerlərin təqibinin gücləndiyi qeyd olunur. Bununla əlaqədar AŞPA Azərbaycan hakimiyyətini Reportyorların Azadlıq və Təhlükəsizlik İnstitutunun təqibinə son qoymağa və onun işçilərinin ölkə ərazisində azad fəaliyyət göstərməsinə imkan verməyə; bloger Mehman Hüseynovun təqibinə son qoymağa, onun şəxsiyyət vəsiqəsini qaytarmağa və onunla qeyri-insani rəftar faktlarını araşdırmağa; Meydan TV müstəqil internet resursuna qarşı cinayət işlərinə son qoymağa, onun əməkdaşlarına və bu kanalla əməkdaşlıq edən şəxslərə qarşı təzyiqlərə son qoymağa, habelə onların ölkədən çıxışına qoyulmuş bütün qadağaları ləğv etməyə; "Azadlıq" radiostansiyasının Azərbaycan xidmətinə qarşı bütün araşdırmalara son qoymağa və redaksiyanın Bakıda normal fəaliyyət göstərməsinə imkan verməyə çağırıb.
Qətnamədə həmçinin Dağlıq Qarabağ (Azərbaycan), Abxaziya və Cənubi Osetiya (Gürcüstan) və Dnestryanı (Moldova) kimi separatçıların nəzarəti altında olan ərazilərdə mətbuat azadlığının olmamasından təəssüf ifadə olunur. -02D-
-
- Siyasət
- 25 Yanvar 2017 13:51
-
- Çətin sual
- 25 Yanvar 2017 14:42
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz