![AŞPA deputatları Azərbaycandakı LGBT nümayəndələrini dəstəkləyiblər](https://turan.az/resized/media/2019/main/041200018153-750-500-resize.webp)
AŞPA deputatları Azərbaycandakı LGBT nümayəndələrini dəstəkləyiblər
Strasburq/12.04.19/Turan: Avropa Şurasının 6 partiyasını təmsil edən 41 deputat AŞPA -nın yaz sessiyası çərçivəsində Azərbaycanda LGBT birliyinə qarşı təzyiqlər barədə narahatlığı ifadə edən bəyanatla çıxış edib.
Onlar aprelin 1-də Bakıda trans və ya gay seks işçiləri kimi qəbul edilən ən az 14 adamın polis tərəfindən həbs olunduğunu, saxlanılan şəxslərin tibbi müayinədən keçməyə məcbur edildiyini bildiriblər.
Bəyanat müəllifləri qeyd edirlər ki, bu, Azərbaycanda LGBT nümayəndələrinə təzyiqlə bağlı ilk hal deyil.
AŞPA-nın 2017-ci il hesabatında göstərilib ki, sentyabrda Bakıda LGBT-nin 80 üzvü polisdə pis rəftara məruz qalıb. Ancaq buna görə heç kim cəzalandırılmayıb.
Sənəd müəllifləri Azərbaycan hakimiyyətini həbsləri dərhal dayandırmağa, polisin hərəkətlərini araşdırmağa və belə halların təkrarlanmaması üçün tədbirlər görməyə çağırıblar.
Onlar həmçinin cinsi oriyentasiya əsasında ayrı-seçkiliklə mübarizə üzrə tövsiyəyə əməl etməyə çağırıblar. -16D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz