Bakı/08.01.19/Turan: AŞPA-nın Azərbaycanda siyasi məhbuslar üzrə məruzəçisi Torild Sunna Avarsdottir Azərbaycan hakimiyyətinin Strasburq Məhkəməsinin bir sıra şəxslər barəsində mühüm qərarlarını icra etməməsi, bu səbəbdən onların ölkədə vaxtından əvvəl parlament seçkilərində namizəd kimi iştirak edə bilməməsi ilə bağlı təəssüfünü bildirib.
Onun təşkilatın saytında dərc edilmiş bəyanatında xatırladılır ki, Azərbaycan hökuməti Avropa İnsan Hüquqları Məhkəməsinin (AİHM) bir sıra mühüm hökmlərini 2019-cu il dekabrın 31-nə - Avropa Şurası Nazirlər Komitəsinin müəyyən etdiyi müddətə qədər yerinə yetirməyib.
"Avropa Məhkəməsi cinayət mühakiməsi sistemindən siyasi əsaslarla sui-istifadə olduğunu müəyyən etdiyi hallarda Azərbaycan hakimiyyətinin İlqar Məmmədov və digər ərizəçilər barəsində ittiham hökmlərini ləğv edə bilməməsindən dərin məyusluq hissi keçirirəm", deyə Evarsdottir bildirib.
"Nazirlər Komitəsi Azərbaycan Ali Məhkəməsinin sözügedən işlərə baxılmasını yekunlaşdırması üçün son tarixi 31 dekabr olaraq müəyyən edib və bu müddət keçirilib", deyə o, əlavə edib.
Məruzəçinin fikrincə, "bu, həm maraqlı şəxslər, həm də Azərbaycanın Avropa Şurasında mövqeyi üçün mühüm məsələdir". "Hökmlər bu cümə gününə, yanvarın 10-na qədər ləvğ edilməsə, ərizəçilər fevralda keçiriləcək parlament seçkilərində namizəd kimi qeydiyyatdan keçə bilməyəcəklər. Bu, seçkilərin demokratik cəhətdən legitimliyini, Azərbaycanın AİHM-nin nüfuzuna hörmətini və ölkənin bütünlükdə demokratiya və qanunun aliliyinə sadiqliyini ciddi şübhə altına qoyur", deyə məruzəçi qeyd edib.
Evarsdottir bildirib ki, "Assambleya bu ayın sonunda AŞPA sessiyasında Azərbaycandakı hadisələri diqqətlə gözdən keçirəcək, onun 2019-cu ilin dekabrında Hüquq Məsələləri və İnsan Hüquqları Komitəsi tərəfindən yekdilliklə qəbul edilmiş məruzəsini müzakirə edəcək".
2019-cu il sentyabrın 26-da Avropa Şurasının Nazirlər Komitəsi Azərbaycan hakimiyyətini Strasburq Məhkəməsi tərəfindən hüquqlarının pozulduğu etiraf olunmuş "İlqar Məmmədovun qrupu" adı ilə məşhur olan səkkiz fəal barəsində ittiham hökmlərini ləğv etməyə və onların məhkumiyyətini götürməyə çağırıb. Bu fəallar arasında İlqar Məmmədov, Rəsul Cəfərov, Zaur Qurbanlı, Anar Məmmədli, İntiqam Əliyev, Üzeyir Məmmədli, Rəşadət Axundov və Rəşad Həsənov var.
Azərbaycan hökuməti dekabrın 31-nə qədər onların hüquqlarını tamamilə bərpa etməli idi. Amma bu, təmin edilməyib və parlamentə namizədliyini irəli sürmək istəyini bildirən İlqar Məmmədov, Rəsul Cəfərov və Zaur Qurbanlı məhkumiyyətləri götürülmədiyinə görə öz hüquqlarını həyata keçirə bilməyib. -06В-
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz