Bakı/07.01.20/Turan: Yanvarın 7-də Azərbaycan-Ermənistan sərhəddində təmas xəttində Ermənistanın təxribatı nəticəsində azərbaycanlı sərhədçi həlak olub.
“Ermənistan Silahlı Qüvvələri Azərbaycan-Ermənistan təmas xəttində atəşkəs rejimini kobud şəkildə pozaraq növbəti dəfə təxribat törədib. Sərhədçi Füzuli Fərzəliyev çərşənbə axşamı saat 14:56-da Qazax rayonunun Quşçu Ayrım kəndində düşmən tərəfindən snayper atəşi nəticəsində həlak olub”, - yanvarın 7-də Azərbaycan Dövlət Sərhəd Xidmətinin (DSX) mətbuat xidməti bildirib.
Eyni zamanda qurum sərhədçinin Azərbaycan tərəfinin ön cəbhədə mühəndislik işləri aparmaq və öz mövqelərini irəli çəkmək cəhdləri ilə əlaqədar öldürülməsi barədə Ermənistan Müdafiə Nazirliyinin nümayəndəsinin məlumatını təkzib edib.
“Bu ərazidə Azərbaycan Dövlət Sərhəd Xidmətinin bölmələri heç bir mühəndislik işləri aparmayıblar. Ermənistan Müdafiə Nazirliyinin rəsmi nümayəndəsinin bu bəyanatı yalandır və Ermənistan Silahlı Qüvvələrinin bölmələri tərəfindən atəşkəs rejiminin pozulması faktına bəraət qazandırmaq cəhdidir, həmçinin ictimaiyyəti çaşdırmaq məqsədi daşıyır”, - Azərbaycan DSX bildirib.06В-
Siyasət
-
Yaxın günlərdə Rusiya Federasiyasının Azərbaycan ərazisində müvəqqəti qalma qaydalarının dəyişdirilməsi planlaşdırılır. Bu barədə Azərbaycan XİN-in mətbuat katibi Ayxan Hacızadə bildirib.
-
"Azimut" aviaşirkətinin Mineralnıe Vodıdan Bakıya və Gəncəyə, həmçinin Soçidən Bakıya reysləri Azərbaycan tərəfin imtinası ilə əlaqədar ləğv edilib. Bu barədə "Azimut" şirkətinin məlumatında deyilir.
-
"Kanal 11" internet televiziyasının rəhbəri Teymur Kərimov və onunla birlikdə mühakimə olunan İstək Totiyevanın cinayət işi üzrə məhkəmə prosesi dekabrın 28-də çatıb.
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
Rəy yaz