AŞPA-nın xüsusi məruzəçisi Fikrət Hüseynlinin həbsindən narahatdır
Bakı/21.10.17/Turan: AŞPA-nın İnterpol sistemindən sui-istifadələr üzrə xüsusi məruzəçisi Bernd Fabrisius azərbaycanlı jurnalist, Niderland vətəndaşı Fikrət Hüseynlinin Ukraynada saxlanması ilə bağlı bəyanatla çıxış edib.
(http://assembly.coe.int/nw/xml/News/News-View-EN.asp?newsid=6845&lang=2&cat=5).
O, jurnalistin həbs edilməsi ilə bağlı narahatlığını bildirib.
"Siyasi məqsədlərlə jurnalistlərin və siyasətçilərin məsuliyyətə cəlb edilməsi və cəzalandırılması üçün İnterpoldan istifadə məsələlərini araşdıran şəxs kimi son vaxtlar baş verən hadisələrdən çox narahatam. Təəssüf ki, bir neçə gün öncə azərbaycanlı jurnalist, Niderland vətəndaşı Fikrət Hüseynli Ukraynada saxlanılıb. Və bu dəfə saxlanma İnterpolun xəttilə həyata keçirilib",- o bildirib.
Onun məruzəsi əsasında AŞPA qətnamə qəbul edib. Sənəddə bəzi avtoritar rejimlərin İnterpoldan müxalifətçilərin cəzalandırılması üçün alət kimi istifadə etməsinə son qoyulması tələb olunur.
Sənəddə qeyd olunur ki, son hadisələr bu tələbin yerinə yetirilməsinin vacibliyini göstərir.
Fikrət Hüseynli 2008-ci ildə Azərbaycandan mühacirət edib və Niderlandda siyasi sığınacaq, sonra isə vətəndaşlıq alıb
F.Hüseynli oktyabrın 14-də Kiyevdən Düsseldorfa gedərkən Azərbaycanın sorğusu əsasında saxlanılıb. O, dələduzluq və sərhəddi qanunsuz keçməkdə ittiham olunur.
Oktyabrın 17-də məhkəmə onun barəsində 18 sutka həbs qətimkan tədbiri seçib. Jurnalist ittihamı qəbul etmir. -03D06-
-
- Siyasət
- 21 Oktyabr 2017 13:27
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz