AŞPA nümayəndə heyəti: prezidentliyə namizədlərin imkanları bərabər deyil
Avropa Şurası Parlament Assambleyasının (AŞPA) seçkiqabağı monitorinq missiyası 9 oktyabr prezident seçkiləri ərəfəsində Azərbaycana tanışlıq səfərinin yekunlarına dair bəyanatla çıxış edib.
Sənəddə Azərbaycan hakimiyyətinin seçkilərin monitorinqi üçün beynəlxalq müşahidəçilərin iştirak imkanlarını təmin etməyə hazır olduğu bildirilir, MSK-nın informasiya-maarifləndirici işi, seçki komissiyaları üzvlərinin treninqi, həmçinin seçici siyahılarının daimi dəqiqləşdirilməsi qeyd olunur. Lakin bu işin effektivliyi və keyfiyyəti seçki günündə məlum olacaq.
Nümayəndə heyətinin üzvləri güman edirlər ki, qarşıdakı seçkilər rəqabət mühitində keçəcək. Prezidentliyə namizədlərin qeydiyyatı hələlik başa çatmayıb, çox güman ki, onların sayı 10 nəfərdən az olmayacaq.
Eyni zamanda hazırkı prezidentin “etibarlı rəqibləri”nin olmaması ciddi ümummilli debatların olmamasına gətirib çıxarıb. Müxalifətin potensial namizədlərin siyasi platformaları arasında fərq aydın deyil, mübarizə şəxsiyyətlərin toqquşması səviyyəsində aparılır.
AŞPA müşahidəçiləri prezident İlham Əliyevin öz işləri ilə yaxşı tanındığına görə kampaniya aparmamaq barədə qərarından narazıdır.
AŞPA hesabatlarında əksini tapan tövsiyələrin bir çoxu həyata keçirilməyib. Bu, xüsusilə ifadə, toplaşma və assosiasiya azadlığı, həmçinin plüralist demokratiya barədə tövsiyələrinə aiddir.
Seçki komissiyalarının bütün səviyyələrdə tərkibi ilə bağlı Venesiya Komissiyasının tövsiyələri lazımi qaydada nəzərə alınmayıb”, - sənəddə qeyd olunur.
Sadalanan problemlərə baxmayaraq, nümayəndə heyəti ümid edir ki, səsvermədən sonra o, seçkilərin Avropa Şurası standartlarına uyğun olub-olmadığını və Azərbaycan xalqının iradəsini əks etdirib-etdirmədiyini qiymətləndirmək iqtidarında olacaq.
7 nəfərdən ibarət nümayəndə heyəti Milli Məclisin dəvəti ilə sentyabrın 10-13-də Bakıda olub. Hazırki prezident də daxil olmaqla, prezidentliyə namizədlər, parlamentin spikeri, AŞPA-da Azərbaycan nümayəndə heyətinin üzvləri, siyasi partiyaların, QHT, KİV və diplomatik korpusun nümayəndələri ilə görüşlər keçirilib.
32 deputatdan ibarət tam heyət oktyabrın 7-dək Azərbaycana gələcək. —06D—
-
- İqtisadiyyat
- 13 Sentyabr 2013 14:38
-
- İqtisadiyyat
- 13 Sentyabr 2013 15:02
Siyasət
-
Bu gün Tehran Universitetində Hamas siyasi bürosunun rəhbəri İsmail Haniyə və onun mühafizəçisi Wasim Abu Shaban üçün rəsmi vida mərasimi keçirilib. Hər iki şəxs 31 Avqust səhəri raket hücumunda həlak olub.
-
Bu gün ATƏT-in Demokratik Təsisatlar və İnsan Hüquqları Bürosunun müşahidə missiyası sentyabrın 1-də Milli Məclisə növbədənkənar seçkilərlə bağlı fəaliyyətə başladığını elan edib.
-
Çərşənbə günü Bayden administrasiyası Gürcüstanda demokratik institutların davam edən eroziyasına cavab olaraq ölkə hökumətinə xarici yardımın əhəmiyyətli bir hissəsini dayandırıb, Turan-ın Vaşinqton müxbiri bildirib.
-
İyulun 31-də Bakı Apellyasiya Məhkəməsində talış tədqiqatçısı İqbal Əbilovun həbsindən verilən şikayətə baxılıb.
Значит ли ликвидация Исмаила Хании начало большой войны против Израиля? - беседа с Аркадием Дубновым
Xəbər lenti
-
- Cəmiyyət,
- 12:51
- 206
Rəy yaz