Bakı/19.12.19/Turan: Cümə axşamı Milli Məclisdə ATƏT-in Demokratik Təsisatlar və İnsan Hüquqları Bürosunun (DTİHB) qiymətləndirmə missiyası ilə görüş olub.
Parlamentin mətbuat xidmətinin məlumatında deyilir ki, missiya fevralın 9-da keçiriləcək növbədənkənar parlament seçkiləri ilə əlaqədar Azərbaycana gəlib.
Ekspertlər Radivoje Quriç, Tim Knobjau və Aleksey Qromovdan ibarət nümayəndə heyəti Hüquq siyasəti və dövlət quruculuğu komitəsinin üzvləri ilə görüşüblər.
Missiya həmçinin siyasi partiyaları təmsil edən deputatlarla da görüş keçirib. Milli Məclisin məlumatına görə, deputatlar ATƏT DTİHB missiyasını əmin ediblər ki, Azərbaycanda hər şey yaxşıdır, “siyasi sistemdə çox ciddi islahatlar gedir”, ölkədə “azad və ədalətli seçkilərin keçirilməsi üçün münbit zəmin yaradılıb”.-02D-
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz