Zbiqnev Rau
ATƏT-in fəaliyyətdə olan sədri bu gün Azərbaycana səfər edəcək
Bakı/30.03.22/Turan: ATƏT-in fəaliyyətdə olan sədri, Polşanın xarici işlər naziri Zbiqnev Rau Cənubi Qafqaz ölkələrində səfərdədir.
Tbilisi, Bakı və Yerəvana səfərlər mövcud çağırışlara, regionda gərginliyin azaldılması üçün lazım olan dialoqun asanlaşdırılmasına, ATƏT-in vasitəçilik səylərinin dəstəklənməsinə və Avropada Təhlükəsizlik və Əməkdaşlıq Təşkilatı ilə Cənubun üç ölkəsi arasında əməkdaşlığın gücləndirilməsinə yönəldiləcək.
Bu barədə Polşanın Xarici İşlər Nazirliyinin mətbuat xidməti məlumat yayıb.
Məlumatda deyilir ki, Nazir Zbiqnev Rau Gürcüstanda olarkən prezident Salome Zurabişvili, baş nazir İrakli Qaribaşvili, baş nazirin müavini və xarici işlər naziri David Zalkaliani və Gürcüstan parlamenti sədrinin birinci müavini Giorgi Volski ilə görüşəcək.
ATƏT-in fəaliyyətdə olan sədri Azərbaycana səfəri çərçivəsində prezident İlham Əliyev və Azərbaycan diplomatiyasının rəhbəri Ceyhun Bayramovla danışıqlar aparacaq.
Məlumata görə, daha sonra nazir Rau Ermənistana səfər edərək prezident Vaaqn Xaçaturyan, baş nazir Nikol Paşinyan və xarici işlər naziri Ararat Mirzoyanla görüşəcək. -16D-
-
- Mədəniyyət
- 30 Mart 2022 11:46
Siyasət
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
Rəy yaz