ATƏT-in Minsk qrupu həmsədrlərinin regiona səfəri başlayır
ATƏT-in Minsk qrupunun həmsədrləri mayın 14-də Qarabağ münaqişəsinin tənzimlənməsi yollarının axtarışını davam etdirmək məqsədilə regiona gəlirlər.
Bu barədə Turan-ın Vaşinqton müxbirinə ABŞ-ın münaqişə üzrə yüksək vəzifəli nümayəndəsi bildirib.
Onun sözlərinə görə, bir həftə ərzində vasitəçilər Yerevan, Xankəndi və Bakıya baş çəkəcəklər, Azərbaycan və Ermənistan nümayəndələri, habelə Dağlıq Qarabağın de-fakto hakimiyyəti ilə görüşəcəklər, sülh yolu ilə tənzimləmə məsələlərini, həmçinin Azərbaycan və Ermənistan liderləri səviyyəsində yeni sammitin hazırlanmasını müzakirə edəcəklər.
Ötən həftə Karnegi İnstitutunda nitqində Amerikalı həmsədr Ceyms Uorlik Vaşinqtonun Qarabağ münaqişəsi ilə bağlı siyasətini müəyyən edib və sülh yolu ilə tənzimləmə üçün baza təşkil edəcək prinsipləri açıqlayıb.
Səfərin yekunlarına görə həmsədlər bəyanatla çıxış edərək, daim gərginliyin artması təhlükəsi olduğu və hazırki status-kvonun qorunub saxlanılmasının qəbuledilməz olduğu haqqında xəbərdarlıq edəcəklər.
Bu bəyanat Fransa prezidenti Fransua Ollandın Azərbaycana və Ermənistana rəsmi səfəri fonunda səslənəcək. -25C-
-
- Cəmiyyət
- 13 May 2014 17:49
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz