Bakı/20.12.19/Turan: ATƏT DTİHB missiyasının Azərbaycanın müxalifət partiyalarının və təşkilatlarının nümayəndələri ilə bugünki görüşündə Azərbaycanda seçkiqabağı vəziyyət diqqət mərkəzində olub.
Müxalifətçilər 9 fevral parlament seçkiləri ərəfəsində ölkədə ictimai-siyasi vəziyyət haqqında məlumat veriblər.
Görüş iştirakçılarının Turan-a verdikləri məlumata görə, ölkədə faktiki olaraq ədalətli seçkilər üçün şərait olmadığı, ifadə azadlığının məhdudlaşdırıldığı, seçki komissiyalarının hakimiyyətin nəzarəti altında olduğu, namizədlər üçün maneələr yaradıldığı və ölkədə siyasi məhbusların olduğu qeyd edilib.
Görüş 4 saat davam edib. Görüşdə ReAl, Xalq Cəbhəsi, Müsavat partiyalarının, NİDA hərəkatının və Milli Şuranın nümayəndələri iştirak ediblər.
ATƏT DTİHB Missiyanın tələblərin qiymətləndirilməsi üzrə tövsiyələri əsasında parlament seçkilərinə uzunmüddətli və qısamüddətli müşahidəçilərin göndərilməsi haqqında qərar qəbul edəcək. -21C-
Siyasət
-
Dövlət və hökumət başçıları COP29 iqlim konfransında iştirak etmək üçün Bakıya gəlməyə davam edirlər.
-
Çərşənbə axşamı dövlət katibi Entoni Blinken təyyarədən Türkiyənin xarici işlər naziri Hakan Fidana zəng edərək Yaxın Şərq və Cənubi Qafqazı müzakirə edib, səfər zamanı dövlət katibini müşayiət edən Turan-ın müxbiri bildirib.
-
BBC: BMT-nin Beynəlxalq Ədalət Məhkəməsi (ICJ) Azərbaycan və Ermənistanın qarşılıqlı iddialarını araşdırmağa razılaşıb. Hər iki ölkə bir-birini Dağlıq Qarabağdakı vəziyyətlə bağlı Bütün Formalı İrqi Ayrı-seçkiliyin Ləğv Edilməsi haqqında Beynəlxalq Konvensiyanı pozmaqda ittiham edir.
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
Rəy yaz