Bakı/11.04.22/Turan: Bazar günü ATƏT-in Minsk Qrupunun fransalı həmsədri Bris Rokfo Yerevana səfərə gedib. O, Ermənistanın XİN başçısı Ararat Mirzoyanla görüşüb.
Bundan əvvəl Rusiyalı həmsədr İqor Xovayev Ermənistana səfər etmişdi. Bu görüşlərin mövzusu Yerevanın ATƏT MQ-nin Ermənistan və Azərbaycan arasında sülh sazişinin bağlanması üzrə danışıqlarda iştirakına çağırışları idi.
Ermənistan rəhbərləri ABŞ-ın Yerevandakı səfiri Linn Treysi ilə görüşlərdə də bu mövzunu dəfələrlə qaldırıb.
Bu çağırışlara rəsmi cavab gəlməyib. Eyni zamanda, Rusiya XİN başçısı Sergey Lavrov aprelin 8-də Moskvada Ararat Mirzoyanla birgə mətbuat konfransında bildirib ki, ABŞ və Fransa ATƏT-in Minsk Qrupunda Rusiya ilə işləmək istəmir.
Beləliklə, Yerevanın ATƏT MQ-nin fəal rolunun bərpasına yönəlmiş səyləri uğursuzluğa düçar olub. -02D-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz