Bakı/19.02.20/Turan: Fevralın 20-də Vyanada ATƏT Parlament Assambleyasının sessiyası çərçivəsində "Jurnalistlərin həbsi və siyasi məhbuslar fonunda Azərbaycanda parlament seçkiləri" mövzusunda paralel müzakirələr keçiriləcək.
Tədbirin təşkilatçısı Azərbaycanın Reportyorların Azadlıq və Təhlükəsizlik İnstitutudur (RATİ).
RATİ-nin məlumatında deyilir ki, seçkilər siyasi azadlıqların pozulması və ölkədə 100-dən çox siyasi məhbusun olması fonunda keçirilib.
"Görüş zamanı bizim bilavasitə təcrübəyə və Azərbaycanda cari vəziyyət haqqında dərin biliklərə malik ekspert qrupumuz siyasi məhbuslar və vicdan məhbusları, habelə jurnalistlərin təhlükəsizliyi məsələsini müzakirə edəcək. Siyasi motivlərlə həbs edilmiş müstəqil jurnalistlərə və hüquq müdafiəçilərinə xüsusi diqqət yetirəcəyik", deyə press-relizdə bildirilir.
Tədbir İtaliyalı deputat Mauro Del Barbanın dəstəyi ilə keçirilir.
Müzakirələrdə RATİ-nin icraçı direktoru Emin Hüseynov, Beynəlxalq Mətbuat İnstitutunun direktoru Barbara Trionfi, "Sərhədsiz Reportyorlar"ın prezidenti Rubina Mering, korrupsiya əleyhinə nəşrləri ilə məşhur olan Azərbaycanlı bloger Mehman Hüseynov, səfir və Azərbaycanın Avropa Şurasında daimi nümayəndəliyinin keçmiş rəhbəri Arif Məmmədov iştirak edəcəklər. -06D-
Siyasət
-
Dekabrın 2-də Bakının Nəsimi Rayon Məhkəməsi Azərbaycan Xalq Cəbhəsi Partiyasının (AXCP) sədri Əli Kərimlinin məhkəməsi zamanı saxlanılan fəallardan ikisini inzibati həbsə məhkum edib, 4 fəalı isə cərimə edərək sərbəst buraxıb.
-
Müxalif Müsavat Partiyası Azərbaycanda 29 yanvar 2025-ci il tarixinə təyin edilmiş bələdiyyə seçkilərində iştirak edəcək. Bu qərarı bu gün Partiyanın İdarə Heyəti qəbul edib.
-
Bazar ertəsi Nəsimi Rayon Məhkəməsinin binası qarşısında saxlanılan Xalq Cəbhəsi Partiyasının 10 fəalı Bakının Nəsimi Rayon Polis İdarəsinin 20-ci polis bölməsində döyülüb.
-
Bazar ertəsi İlham Əliyev Qvineya-Bisau Respublikasının xarici işlər, beynəlxalq əməkdaşlıq və xaricdəki icmalar naziri Karlos Pinto Pereiranı və ətraf mühit naziri Viriato Kassamanı qəbul edib.
Rəy yaz