Bakı/13.03.19/Turan: Ermənistanın baş naziri və Azərbaycan prezidentinin son görüşləri çox vacibdir. Onların əhəmiyyətini kiçiltmək olmaz. Bu barədə ATƏT-in hazırkı sədri, Slovakiya XİN rəhbəri Miroslav Layçak çərşənbə günü Yerevanda mətbuat konfransında bildirib.
"Mən Qarabağ münaqişəsinin dinc yolla nizamlanmasına sadiqliyi bəyan etmək üçün buradayam. Zənnimcə, əhalini sülhə hazırlamaq lazımdır. Bu mənada əminəm ki, Ermənistan baş nazirinin və Azərbaycan prezidentinin bir neçə görüşünün əhəmiyyətini dəyərləndirməmək olmaz. Başa düşürük ki, münaqişə nizamlanmayıb, ancaq əminik ki, addımbaaddım yanaşma məsələnin həllinə gətirib çıxaracaq. Danışıqlarda hər müsbət proses təmas xəttində sabitiyi möhkəmləndirəcək". - M.Layçak əlavə edib.
Öz növbəsində Ermənistan XİN rəhbəri Zoqrab Mnatsakanyan qeyd edib ki, nizamlanma prosesində müsbət dinamika nəzərə çarpır. Onun sözlərinə görə, Ermənistan ATƏT-in Minsk Qrupu həmsədləri formatına tamamilə inanır.
İki ölkə liderinin görüşünün vaxtı barədə sualın cavabında nazir səbrli olmağa çağırıb, bu istiqamətdə işin getdiyini bildirib.02D-
Siyasət
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
-
İran yüksək dağlıq ərazidə yerləşən Gilan əyalətində 800 km mənzilli yeni üfüqüstü radar quraşdırıb. O, ölkənin şimal hava məhakının monitorinqi üçün nəzərdə tutulub və İran HHM sisteminə inteqrasiya olunub, xəbəri İranın ISW nəşri yayıb.
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
Rəy yaz