Açiq mənbələrdən foto.
Avropa İnsan Hüquqları Məhkəməsi jurnalist Sevinc Vaqifqızının işi üzrə qərarını açıqlayıb
Bakı/14.05.20/Turan: Avropa İnsan Hüquqları Məhkəməsi (AİHM) bu gün jurnalist Sevinc Vaqifqızının şikayətilə bağlı qərarını elan edib. Şikayət Azərbaycan hakimiyyətinin onun ölkədən çıxışına qoyduğu qadağa ilə bağlı idi.
Avropa məhkəməsinin məlumatında deyilir ki, Azərbaycan hökuməti Avropa İnsan Hüquqları Konvensiyasının 2 saylı protokolunun 4-cü maddəsinin (hərəkət azadlığı) və Konvensiyanın 13-cü maddəsinin (effektiv müdafiə hüququ) pozulduğunu tanıyıb və jurnalistə 5 min avro kompensasiya ödəməyə razılıq verib.
AİHM hökumətin təklifini əsaslı hesab edərək işin bağlandığını bildirib.
Xatırladaq ki, 2014-cü ildə “Meydan” TV İnternet kanalına qarşı cinayət işi ilə əlaqədar S.Vaqifqızı və bir qrup digər jurnalisin xarici səfərinə qadağa qoyulmuşdu. Bundan sonra Berlində fəaliyyət göstərən bu kanalla əməkdaşlıq edənlər bir neçə dəfə prokurorluğa çağırılıb, onların xaricdən maliyyələşdirildiyini etiraf etmələri tələb olunmuşdu. Qadağa 2019-cu ilin mayında ləğv edilib. -16D-
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz