Avropa İttifaqı Qarabağ ermənilərinə yardımı 5 milyon avroya qədər artıracaq

Bakı/26.09.23/Turan: Avropa İttifaqı Dağlıq Qarabağda böhran nəticəsində artan ehtiyaclara cavab olaraq humanitar maliyyələşdirməni 5 milyon avro artırır.

“Münaqişənin gərginləşməsi və sonrakı atəşkəsin Dağlıq Qarabağdan adamların kütləvi şəkildə Ermənistana köçməsinə səbəb olacağı gözlənilir və təxminən 13 500 qaçqın artıq sərhədi keçib”,- Avropa İttifaqının rəsmi məlumatında deyilir.

Eyni zamanda, regionda  ciddi ərzaq çatışmazlığı, elektrik enerjisinə və suya çıxışın olmaması müşahidə edilir, məlumatda qeyd olunur.

5 milyon avroluq humanitar maliyyəyə keçən həftə elan edilmiş 500 000 avro təcili yardım və Ermənistana köçənlərə yardımı əhatə edəcək yeni 4,5 milyon avro maliyyələşdirmə daxildir.

Bu yardım Avropa İttifaqının Ermənistanda fəaliyyət göstərən müxtəlif humanitar tərəfdaşları tərəfindən çatdırılacaq və təxminən 25 000 nəfərə şamil ediləcək.

Bundan əlavə, Bundan əlavə, Beynəlxalq Qızıl Xaç Komitəsinin vasitəsilə Qarabağda 60 min adamın nağd pul, mənzil və digər dolanışıq vasitələrilə təmin edilməsi kimi prioritet yardımın göstərilməsi nəzərdə tutulur.06B