Açiq mənbələrdən foto.
Bakı/13.04.23/Turan: Aprelin 13-də Avropa İttifaqı Şurası Ukrayna Silahlı Qüvvələrinə 1 milyard dolların ayrılması barədə qərar qəbul edib. Bu vəsait Avropa İttifaqı üzvlərinin 2023-cü il fevralın 9-dan mayın 31-dək olan dövrdə Ukraynaya ayırdıqları hərbi sursatların ödənilməsinə yönəldiləcək.
Bugünkü qərar Ukrayna üçün artilleriya döyüş sursatlarının çatdırılmasının və alınmasının sürətləndirilməsilə bağlı Avropa İttifaqı Şurasının 20 mart 2023-cü il tarixli sazişinin birinci hissəsini həyata keçirir.
Əvvəlki yeddi dəstək tranşı ilə birlikdə Avropa İttifaqının Ukraynaya ümumi töhfəsi 4,6 milyard avro olub.
«Rusiyanın təcavüzkar müharibəsi qarşısında Avropa İttifaqı Ukraynanın beynəlxalq səviyyədə tanınmış sərhədləri daxilində onun müstəqilliyini, suverenliyini, ərazi bütövlüyünü və Rusiya təcavüzünə qarşı özünümüdafiə hüququnu sarsılmaz şəkildə dəstəkləyir", - Avropa İttifaqı Şurasının Turan Agentliyinə göndərdiyi press-relizdə deyilir. 0
Siyasət
-
Fevralın 6-da hakim Faiq Qəniyevin sədrliyilə Bakı Apellyasiya Məhkəməsi Azərbaycan Xalq Cəbhəsi Partiyasının sədri Əli Kərimlinin onu Cinayət Məcəlləsinin 147.1-ci maddəsilə (böhtan) təqsirli bilərək 1500 manat cərimə edən Nəsimi Rayon Məhkəməsinin hökmündən şikayətini təmin etməyib.
-
Fevralın 6-da Azərbaycan və Avropa İttifaqı arasında readmissiya haqqında saziş çərçivəsində Almaniyadan 45 nəfər Azərbaycan vətəndaşı readmissiya edilib. Bu barədə fevralın 7-də Azərbaycan Dövlət Miqrasiya Xidməti bildirib.
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
Rəy yaz