Avropa İttifaqının xüsusi nümayəndəsi Nikol Paşinyanla Qarabağ məsələsini müzakirə edib

Bakı/12.02.19/Turan: Bazar ertəsi Ermənistanın baş naziri Nikol Paşinyan Aİ-nin Cənub Qafqaz məsələləri və Gürcüstanda üzrə xüsusi nümayəndəsi Toyvo Klaarı qəbul edib.

Ermənistan hökumətinin mətbuat xidmətinin məlumatına görə, Paşinyan Aİ ilə Ermənistan arasında hərtərəfli və geniş tərəfdaşlıq hadqa sazişin tezliklə ratifikasiyasının vacibliyini qeyd edib. Bu, Ermənistanda müxtəlif sahələrdə islahatlara xidmət edəcək. Onun sözlərinə görə, sazişin müddəalarının reallaşması üçün yol xəritəsi Aİ-yə təqdim olunub.

Görüş zamanı həmsöhbətlər Qarabağ münaqişəsinin nizamlanmasına dair məsələləri müzakirə ediblər. Nikol Paşinyan qeyd edib ki, Ermənistan problemin ATƏT-in Minsk Qrupunun həmsədrliyi formatı çərçivəsində dinc yolla nizamlanmasına tərəfdardır və Dağlıq Qarabağın, əsasən vətəndaş cəmiyyətinin inam tədbirlərinə cəlb edilməsinə böyük əhəmiyyət verib.

Baş nazir əmin olduğunu bildirib ki, bu, danışıqlar prosesində konstruktiv atmosferin formalaşmasına xidmət edəcək, "Azadlıq" radiosu bildirib.-02D-