Avropa Jurnalistlər Federasiyası Gürcüstan hakimiyyətini Əfqan Sadıqovu azad etməyə çağırıb
Avropa Jurnalistlər Federasiyası Gürcüstan hakimiyyətini Əfqan Sadıqovu azad etməyə çağırıb
Gürcüstan hakimiyyəti azərbaycanlı jurnalist Əfqan Sadıqovu dərhal azad etməli və onun Azərbaycana ekstradisiyasını dayandırmalıdır, bu barədə avqustun 6-da Avropa Jurnalistlər Federasiyası (EFJ) və onun Gürcüstandakı filialı - Gürcüstan Jurnalistlərinin Müstəqil Assosiasiyası (IAGJ) bəyanat yayıb.
“Biz Gürcüstan hakimiyyətini Azərbaycandakı saxta sübutlar əsasında uydurulmuş siyasi proseslərdə iştirakdan çəkinməyə çağırırıq”, - EFJ prezidenti Maya Sever bildirib.
“Bu repressiya dalğası artıq 23 jurnalisti həbsə atıb. Azərbaycan Rusiya və Belarusdan sonra Avropanın ən repressiv dövlətlərindən birinə çevrilib. EFJ Amnesty International təşkilatına qoşularaq Gürcüstanı Əfqan Sadıqovun ekstradisiyasını dayandırmağa çağırır”. “Gürcüstanda azərbaycanlı jurnalistin saxlanması ölkədəki bütün media işçilərini narahat edir”, - deyə IAGJ prezidenti Zviad Poçxua əlavə edib.
Şənbə günü avqustun 3-də Azel TV saytının redaktoru Əfqan Sadıqov həyat yoldaşı və uşaqları ilə Tbilisidəki evindən çıxarkən Gürcüstan polisi tərəfindən həbs edilib.
Gürcüstan Azərbaycan hakimiyyətinin təhdid və qəsb ilə bağlı qeyri-müəyyən iddialardan sonra ekstradisiya sorğusuna cavab olaraq onu həbs edib.
Avqustun 5-də Tbilisi şəhər məhkəməsinin hakimi Ketevan Caçvadzenin qərarı ilə jurnalist barəsində iki aylıq həbs-qətimkan tədbiri seçilib.
İyulun 17-də Əfqan Sadıqova və ailəsinə Tbilisi Beynəlxalq Hava Limanını tərk edərək Türkiyəyə getməyə icazə verilməyib.
Gürcüstan sərhəd nəzarəti əməkdaşları ona yalnız Azərbaycana uça biləcəyini bildiriblər.
Siyasət
-
Avqustun 8-də Ukrayna Silahlı Qüvvələri Rusiyanın Kursk vilayətinə qarşı hücumunu inamla davam etdirib. Müstəqil mənbələrin axşama olan məlumatına görə, ukraynalılar bu gün daha 10-15 km irəliləyib, Kromskie Bıki kəndinə çatıblar.
-
Cümə axşamı Bakı Ağır Cinayətlər Məhkəməsində hakim Azər Tağıyevin sədrliyi ilə narkotik ittihamı ilə həbs edilən ictimai fəal İlhamiz Quliyevin cinayət işi üzrə məhkəmə prosesi davam etdirilib.
-
Azərbaycan prezidenti İlham Əliyev Mərkəzi Asiya dövlət başçılarının VI Məşvərət Görüşündə iştirak edəcək bu gün Astanaya səfər edib, deyə Qazaxıstan KİV-i xəbər verir.
-
Bakı Ağır Cinayətlər Məhkəməsində iqtisadçı Fazil Qasımovun cinayət işi üzrə hazırlıq iclası avqustun 15-nə təyin edilib.
Rəy yaz