![Avropa liberalları Gürcüstanda azərbaycanlı jurnalistin oğurlanmasını pisləyiblər](https://turan.az/resized/media/2017/main/060700002115-750-500-resize.webp)
Avropa liberalları Gürcüstanda azərbaycanlı jurnalistin oğurlanmasını pisləyiblər
Bakı/07.06.17/Turan: İyunun 3-də Sloveniyanın paytaxtı Lüblanda Avropa naminə Liberallar və Demokratlar Alyansının (ALDE) Partiya Şurasında Avropa liberallarının görüşünün iştirakçıları müstəqil azərbaycanlı jurnalist və hüquq müdafiəçisi Əfqan Muxtarlının oğurlanmasını qətiyyətlə pisləyiblər. O Azərbaycan hökumətinin təqiblərindən Gürcüstanda sığınacaq tapıb, amma mayın 29-da Tbilisidə oğurlanıb və Azərbaycana aparılıb.
ALDE bir daha çətin şəraitdə işləyən və amansız avtoritar rejimə qarşı mübarizə aparan, Avropanın ən repressiv rejimlərindən birində liberal dəyərləri müdafiə edən alyans üzvü, Arif Hacılının liderlik etdiyi Müsavat Partiyasına tam dəstək ifadə edib, deyə ALDE-nin məlumatında bildirilir.
Azad Demokratlar və Respublikaçılar partiyalarının şəxsində Gürcüstan liberalları Gürcüstan ərazisində bu oğurluqda ölkə hakimiyyətinin rolu ilə bağlı narahatlıqlarını bildiriblər və araşdırma tələb ediblər.
Bu bəyanatı şərh edən ALDE partiyasının prezidenti Hans van Baalen bildirib ki, "Avropa demokratları bu oğurluq hallarına aydınlıq gətirilməsinin tələb edilməsində Gürcüstandakı üzvlərini dəstəkləyirlər və Azərbaycandakı liberallara dəstəyi davam etdirir.
ALDE həmçinin Avropa İttifaqını Əfqan Muxtarlının və digər siyasi məhbusların dərhal azad edilməsi məqsədilə Azərbaycandakı rejimə təzyiq göstərməyə çağıracaq". -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz