Avropa məhkəməsi bir qrup Azərbaycan vətəndaşının şikayəti üzrə kommunikasiyaya başlayıb
Bakı/25.09.18/Turan: Avropa İnsan Hüquqları Məhkəməsi (AİHM) Azərbaycandan bəzi vətəndaşların işləri üzrə kommunikasiyaya başlayıb. Bunlar əsasən AXCP üzvü Turan İbrahimovun 7 sutka həbsi, D18 Hərəkatının üzvü Qədir Ağakişiyevin 1 ay həbsi, xuliqanlıq ittihamı ilə 5 il həbs edilmiş Seymur Həzi, Bakıya qayıdarkən saxlanılan və DİN Mütəşəkkil Cinayətkarlıqla Mübarizə İdarəsində səhərədək dindirilən jurnalist İzolda Ağayevanın işləri ilə bağlıdır.
Bu barədə vəkil Fariz Namazlı Facebook səhifəsində yazıb. Bundan əlavə, prezidentin keçmiş işlər müdiri Akif Muradverdiyevin qaçaqmalçılıq ittihamı ilə həbsilə bağlı iş üzrə kommunikasiya başlanıb.
AİHM həmçinin ilahiyyatçı Sərdar Babayevin işi üzrə kommunikasiyaya başlayıb. Bunu vəkil Cavad Cavadov bildirib. Onun sözlərinə görə, S.Babayevin Avropa İnsan Hüquqları Konvensiyasının 3 (işgəncələrə qadağa), 5.1, 5.3, 5.4 (azadlıq və şəxsi toxunulmazlıq hüququ), 6.2 (təqsirsizlik prezumpsiyası); 9 (vicdan azadlığı); 10 (fikrin ifadə olunması azadlığı); 11 (toplaşma azadlığı) və 14-cü (diskriminasiyaya qadağa) maddələri üzrə hüquqlarının pozulmasının tanınması məsələsi qaldırılıb.
S.Babayev 2017-ci il fevralın 22-də həbs edilib və CM-in 168.1-ci maddəsi (dini ayinlərin icrası adı altında vətəndaşların hüquqlarına qəsd) 3 il müddətinə mühakimə olunub. O, xaricdə təhsil aldığı üçün dini ayinləri qanunsuz icra etməkdə ittiham olunub. Lakin müdafiə tərəfi bildirib ki, bu qadağa onun təhsil aldığı vaxtdan sonra tətbiq edilib. Digər tərəfdən, Qafqaz Müsəlmanları İdarəsinin bir sıra vəzifəli şəxsləri xaricdə dini təhsil alıblar.
Bundan əlavə, 2017-ci ilin mayında qanunvericiliyə məhdudiyyət yumşaldılıb və hazırda QMİ-nin razılığı ilə xaricdə təhsil alanların dini mərasimlər keçirməsinə icazə verilir.06D-
-
- Siyasət
- 25 Sentyabr 2018 10:59
-
- İqtisadiyyat
- 25 Sentyabr 2018 12:37
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz