![Azərbaycan Müdafiə Nazirliyi: erməni tərəfinin uçuş vasitələri neytrallaşdırılacaq](https://turan.az/resized/750/500/resize/media/2018/main/092500013492.jpg)
Azərbaycan Müdafiə Nazirliyi: erməni tərəfinin uçuş vasitələri neytrallaşdırılacaq
Bakı/25.09.18/Turan: Azərbaycan Silahlı Qüvvələri erməni tərəfinin Azərbaycan mövqelərinə yaxınlaşmağa cəhd göstərən istənilən uçuş vasitəsini neytrallaşdırmağa hazırdır. Bu barədə Ermənistan SQ-nin aviasiyanın iştirakı ilə işğal edilmiş ərazilərdə təlimlər keçirməsi ilə bağlı Azərbaycan Müdafiə Nazirliyinin bəyanatında deyilir.
"Ermənistan hərbi-siyasi rəhbərliyi qoşunların qarşıdurma xəttində vəziyyətin gərginləşdirilməsinə yönəlmiş növbəti təxribat xarakterli addım atır. Azərbaycanın işğal olunmuş ərazilərində hərbi aviasiyanın cəlb olunması ilə təlim uçuşlarının keçirilməsi barədə qarşı tərəfin yaydığı məlumat bunun əyani sübutudur", - Müdafiə Nazirliyinin çərşənbə axşamı yaydığı məlumatda bildirilir.
"Ön xətdə yerləşən bölmələrimizin mövqelərinə yaxınlaşmağa cəhd göstərən düşmənin istənilən uçuş vasitəsi tərəfimizdən dərhal neytrallaşdırılacaq. Baş verə biləcək itkilərə görə məsuliyyət tamamilə Ermənistanın hərbi-siyasi rəhbərliyinin üzərinə düşəcək", - bəyanatda deyilir.
Qeyd edək ki, ötən gün erməni tərəfi hərbi vertolyotlar və təyyarələr cəlb edilməklə Qarabağ səmasında təlimlərin keçirildiyini bildirib.-06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz