Media-icmal 25.09.18

RF prezidenti V.Putinin Azərbaycana səfərinə fərqli baxış, sentyabrın 23-də Bakını su basması və s. məsələlər bugünkü (25 sentyabr, 2018-ci il) medianın aparıcı mövzularındandır.

Cənubi Qafqazda Rusiyanın strateji tərəfdaşı

"Azərbaycan" qəzeti "Üç ayda dördüncü görüş" sərlövhəli məqalədə Azərbaycan-Rusiya münasibətlərini dəyərləndirir.

Yeri gəlmişkən dəyərləndirmə bu gün, yəni, sentyabrın 25-də RF prezidenti Vladimir Putinin Azərbaycana gözlənilən səfəri fonunda edilir.

Müəllif deyir ki, statistik olaraq bu son üç ayda hər iki ölkə prezidentinin sayca dördüncü, sentyabr aıynda isə ikinci görüşü olacaq: " Elə bu faktın özü, yəni Rusiya və Azərbaycan prezidentlərinin dostluqdan irəli gələn intensiv danışıqları dövlətlərarası münasibətlərə yeni dinamizm verib, əlaqələrdəki etimad mühitini gücləndirib. Ən əsası, hər bir görüş və danışıq münasibətlərin strateji xarakterini, iki ölkənin dost və tərəfdaş olduğunu təsdiqləyib".

Məllif vurğulayır ki, hazırda Azərbaycan dünyanın həm sürətlə inkişaf edən, həm də müstəqil siyasət yeridən ölkələrindn biridir, buna görə də Azərbaycana beynəlxalq səviyyədə yüksək siyasi ehtiram formalaşıb.

Müəllifin deməsinə görə, rəsmi Bakı həmişə beynəlxalq məsələlərdə müstəqil mövqe nümayiş etdirir, heç vaxt maraqlarına zidd olan razılaşmalara getmir, eyni münasibəti Azərbaycan dost ölkələrə də göstərir, onları beynəlxalq səviyyədə dəstəkləyir: "Müstəqil siyasət yürüdən Azərbaycan son illərdə Qərbin siyasi və iqtisadi sanksiyaları ilə üzləşən Rusiyaya dəstək verib. Ölkəmiz antirusiya xarakterli təşəbbüslərə heç vaxt qoşulmayıb. Təsadüfi deyil ki, bu gün Azərbaycanla Rusiya arasındakı siyasi münasibətlər ən yüksək səviyyəyə çatıb".

Yazı müəllifi Azərbaycan və Rusiya prezidentlərinin bu il sentyabrın 1-də Soçi görüşü barədə danışaraq deyir ki, aparılan danışıqlar bir daha iki ölkə arasında əməkdaşlığın daim yüksələn xətt üzrə davam etdiyini göstərdi və təsdiq olundu ki, Azərbaycan Rusiyanın Cənubi Qafqazda ən mühüm siyasi-iqtisadi tərəfdaşıdır.

Məqalə müəllifi yüksək siyasi münasibətlərin iqtisadi sahəyə də təsir etdiyini, 2017-ci ildə Rusiya və Azərbaycan arasında əmtəə dövriyyəsi 35 faiz artaraq 2,5 milyard dollara çatdığını, Rusiyanın Azərbaycana birbaşa kapital qoyuluşunun 1,5 milyard olduğunu bildirir.

Müəllifin deməsinə görə, Azərbaycan bazarında təxminən 700 birgə müəssisə fəaliyyət göstərir və Rusiya-Azərbaycan İşgüzar Şurası təkcə ötən il ümumi dəyəri 450 milyon dollar olan 42 birgə layihəyə dəstək göstərib. Müəllif vurğulayır ki, hazırda Rusiyanın 70-dən artıq subyekti Azərbaycanla iqtisadi əlaqələr saxlayır, onlardan 17-si ticari-iqtisadi və elmi-texniki əməkdaşlıq barədə çərçivə sazişləri bağlayıb.

Müəllif deyir ki, hərbi əməkdaşlıq da Azərbaycan-Rusiya münasibətlərinin mühüm qolunu təşkil edir və dövlət başçısı İlham Əliyevin çıxışna istinadən bildirir ki, Azərbaycanın Rusiyadan aldığı hərbi təyinatlı məhsulların dəyəri 5 milyard dolları keçir.

Müəllif hesab edir ki, V.Putinin səfəri Azərbaycan-Rusiya münasibətlərin inkişafına yeni töhfə verəcək və görünən odur ki, iki ölkənin liderləri arasında səmimi dostluq münasibətləri əməkdaşlığın bütün istiqamətlərində əlaqələrin inkişafına kömək edir.

Azərbaycanın maraqlarına cavab verməyən səfər

"Moderator.az" saytında isə "Putin geopolitik güzəştlər qoparmaq məqsədi ilə gəlir" sərlövhəli məqalə diqqət çəkir.

Müəllif Rusiya Federasiyası prezidenti Vladimir Putinin sentybarın 25-də Azərbaycana başlayacaq səfəri və bu səfərin hədəfləri barədə Azərbaycan Demokratik Partiyasının sədri Sərdar Cəlaloğlu söhbətləşir.

Müəllif deyir ki, Rusiya prezidentinin Azərbaycana görzlənilən səfəri ölkənin siyasi çevrələrində ciddi müzakirələrə səbəb olub və hələ ki, belə qalmaqda davam edir.

Yazı müəllifinin deməsinə görə, sayta açıqlama verən Sərdar Cəlaloğlu bildirib ki, RF prezidentinin bu səfəri Azərbaycanın maraqları baxımından yaxşı heç nə vəd etmir: " Valdimir Putinin səfəri ölkəmizə yaxşı heç nə vəd etmir. Ruslar imperiya siyasətini davam etdirmək istəklərindən əl çəkməyiblər. Hesab edirəm ki, bu səfər də Azərbaycandan ciddi geopolitik güzəştlər qoparmaq məqsədi güdür".

ADP sədri hesab edir ki, hazırda Avropanın, ABŞ-ın diqqəti daha çox Suriya məsələsinə yönəlib və odur ki, PF prezidenti V.Putin də bu fürstədən istifadə edərək Azərbaycandan daha çox güzəştlər qoparmağa cəhdlər göstərir.

Partiya sədri vurğulayır ki, bu məsələdə Azərbaycan müxalifəti də, iqtidarı da vahid mövqedən çıxış etməlidir.

Demokrat Partiyasının sədri bildirir ki, Azərbaycanın Kollektiv Təhlükəsizlik Müqaviləsi Təşkilatına daxil olmaması, rus qoşunlarının ölkəmizə gəlməməsi məsələsində yekdil rəy ifadə edilməlidir.

Partiya sədri həmçinin Dağlıq Qarabağın azad edilməsi məsələsində də heç bir mövqe ayrılığı olmamasının vacibliyini vurğulayır.

Məsulyyətini kmsənin daşımadığı subasma

"Novoye Vremya" qəzetində isə "Bakıda növbəti subasmaya görə kim cavab verəcək?" sərlövhəli məqalə oxumaq olar.

Müəllif sentyabrın 23-də Bakıda qısamüddətli leysan yağışlar yağmasına baxmayaraq şəhərin paytaxt küçələrinin əsl çaya döndüyünü, evlərin zirzəmilərini, yeraltı tunel və keçidləri su basdığını bildirir: "Bazar günü olduğuna görə küçədə az olan adamlar bir yana, hətta avtomobillər belə bu çaylardan keçə bilmirdilər. Bunun nəticəsində nəqliyyatın sürət hərəkəti aşağı düşdü, tıxaclar yarandı. Nə qədər təzadlı olsa da ən dramatik vəziyyət paytaxtın mərkəzindəki Neftçilər prospektində, Xaqani və Üzeyir Hacıbəyov küçələrində yarandı. Burada suyun səviyyəsi metrə yaxın idi, avtmobillər suda "üzürdülər"".

Müəllif Bakı Şəhər İcra Hakimiyyətinin yağış yağması nəticəsində paytaxt küçələrini su basmasına görə sentybarın 24-də yaydığı açıqlamasında məsuliyyəti birmənalı olaraq "Azəsu" ASC-nin üzərinə qoymasını doğru saymır.

Müəllif vurğulayır ki, Bakı şəhərində şəhər hakimiyyətinin xəbəri olmadan tikinti aparılmır, eləcə də bu məsələdə səkilərin necə qurulması az əhəmiyyətli məsələ deyil, belə ki, səkinin yoldan ayrılması üçün hündürlük,suyun axın əyləminin müəyyən olunması əsas məsələdir.

Müəllif hesab edir ki, son zamanlar paytaxtda hündürmərtəbəli evlər tikilən zaman belə göstəricilərə demək olar ki, diqqət yetirilmir və keçmiş illərdəki subasmaları xatırladır: "İki il əvvəl, 2016-cı ilin sentyabr-oktyabr aylarında Bakı bu halı iki dəfə yaşadı, amma o zaman yağış norma miqdarını 9,2 və 3,7 dəfə üstələyirdi. Bundan irəli gələrək Bakının yağış suları kanalizasiya sisteminin təkmilləşdirirlməsi üçün imzalanan sənədlə işçi qrup yaradıldı. Həm də sərəncamda deyilirdi ki, paytaxtın yağış suları kanalizasiya sistimi Bakı şəhəri və Abşeronun inkişaf sürtindən geri qalır".

Müəllif bunu da vurğulayır ki, həmin işçi qrupun tərkibinə Bakı Şəhər İcra Hakimiyyətinin başçısı da daxildir və işçi qrup üç aya kanaizasiya sisteminin rekonstruksiyası, Bakıdakı potensial təhlükəli subasma küçələrin müəyyən olunması üçün təkliflər hazırlamalı idi.

Müəllif hesab edir ki, işçi qrupun fəaliyyətini prezident özü qiymətləndirməlidir, amma sadə bakılılar belə hesab edirlər ki, yağı suları məsələsi həll olunmamış qalıb və Bakını su basmağa bir yağış kifayət etdi.

Müəllifin iddiasına görə, demək olar ki, bu sahədə hər hansı iş görülməyib, yağış suları kanalizasiya sistemi müasir tələblərə cavab verməyib, indi də cavab vermir.