Strasburq/06.12.18/Turan: Avropa İnsan Hüquqları Məhkəməsi dekabrın 6-da "Azadlıq" qəzetinin icmalçısı Seymur Həzinin işi üzrə qərarını elan edib.
Qərar jurnalistin 2014-cü il avqustun 29-da həbsindən şikayətlə bağlıdır.
AİHM Həzinin 5.1 (azadlıq və şəxsi toxunulmazlıq hüququ) və 5.3-cü (məhkəmədən əvvəl saxlanma haqqında tələbin qanunsuz hesab olunması) maddələr üzrə hüquqlarının pozulduğunu etiraf edib.
AİHM Həziyə mənəvi ziyana görə 13 min avro ölçüsündə təzminat və məhkəmə xərcləri üçün 1500 avro ödənilməsinə qərar verib.
Xatırladaq ki, Həzi 2014-cü il avqustun 29-da həbs edilib və uydurma xuliqanlıq ittihamı ilə beş il müddətinə azadlıqdan məhrum edilib. Həzi ona qarşı irəli sürülmüş ittihamları təkzib edib və jurnalistlik və ictimai fəaliyyətinə görə təqib edildiyini bildirib. Hüquq müdafiə təşkilatları onu siyasi məhbus kimi tanıyıb.
Həzi jurnalistliklə yanaşı, siyasi fəaliyyətlə də məşğul olurdu və Azərbaycan Xalq Cəbhəsi Partiyasının Ali Məclisinin rəyasət heyətinin üzvü idi. "Amnesty İnternational" onu "vicdan məhbusu" kimi tanıyıb. -16D-
Siyasət
-
Dekabrın 23-də Rusiya prezidenti Vladimir Putin Azərbaycan prezidenti İlham Əliyevə doğum günü münasibətilə təbrik göndərib. Məktubda deyilir:
-
ABŞ səfirliyi bu ölkəni yenidən qeyri-diplomatik ifadələrdən istifadə edərək antiazərbaycan siyasətində ittiham edən "Həftə" proqramının müəllifinə cavab verib.
-
23 dekabr 2024-cü il tarixində Azərbaycan Respublikasının xarici işlər naziri Ceyhun Bayramov Serbiya Respublikasına işgüzar səfəri çərçivəsində bu ölkənin prezidenti Aleksandar Vuçiç ilə görüşüb.
-
Dekabrın 23-də Belqradda Azərbaycan və Serbiya Xarici İşlər Nazirlikləri rəhbərlərinin görüşü olub. Yekun mətbuat konfransında Serbiyanın xarici işlər naziri Marko Curiç bildirib ki, tərəflər turizmin inkişafını müzakirə ediblər. "Biz birbaşa aviareyslərin açılması, iqtisadi inkişaf və energetika üzrə işi gücləndiririk", - Curiç deyib.
Rəy yaz