Bakı/19.02.19/Turan: Avropa İnsan Hüquqları Məhkəməsi (AİHM) 2017-ci ilin sentyabrında inzibati qaydada həbs edilmiş 25 nəfər LGBT nümayəndəsinin şikayəti üzrə kommunikasiyaya başlayıb. Bu barədə AİHM-in saytında dərc edilmiş məlumatda deyilir.
Ərizəçilər Avropa İnsan Hüquq və Azadlıqları Konvensiyasında təsbit edilmiş hüquqlarının 3-cü (işgəncələrə qadağa), 5 (azadlıq və şəxsi toxunulmazlıq hüququ), 6 (ədalətli məhkəmə çəkişməsi hüququ), 8 (şəxsi həyatın toxunulmazlığı), 14-cü (diskriminasiyaya qadağa) maddələr ilə pozulmasından şikayətlənirlər.
2017-ci ilin sentyabrında Bakıda LGBT nümayəndələrinin kütləvi saxlanması baş verib. Onların bəzisi məcburi tibbi müayinədən keçirilib. 60-a yaxın adam xuliqanlıq və polisə tabe olmamaq ittihamı ilə 30 sutkayadək inzibati həbsə məhkum edilib. Sonradan vaxtından əvvəl azad ediliblər.-16D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz