Avropa Şurası Nazirlər Komitəsi martın 8-10-da Avropa İnsan Hüquqları Məhkəməsinin qərarlarının icrası ilə bağlı məsələlərə baxıb. Müzakirələrin yekunlarına görə Azərbaycanın “Respublikaçı Alternativ” (ReAl) hərəkatının lideri İlqar Məmmədovun işi üzrə qərar qəbul edilib.
Məmmədovun vəkili Fuad Ağayev bu sənədi öz facebook səhifəsində dərc edib.
Nazirlər Komitəsi əvvəlki beş qərarında və aralıq qətnamələrini xatırladaraq, AİHM-nin Məmmədovun fundamental azadlıqlarının pozulduğunu müəyyən etməsinə baxmayaraq, onun hələ də azad edilməməsindən narahatlıq ifadə edib.
Ötən dövrdə Azərbaycan hökumətindən Məmmədovun fiziki toxunulmazlığının təmin edilməsi tələbləri ilə balı heç bir cavab daxil olmayıb.
Bu zaman heç bir yerli məhkəmə onun AİHM tərəfindən müəyyən edilmiş Avropa Konvensiyasının 5-ci (azadlıq və şəxsi toxunulmazlıq hüququ) və 18- ci (hüququn məhdudlaşdırılmasının tətbiq edilməsi hüdudları) maddələr üzrə hüquqlarının pozulmasına əsaslanmayıb, Şəki Apellyasiya Məhkəməsində işə təkrar baxılması isə qeyri-müəyyən müddətə təxirə salınıb.
AŞ Nazirlər Komitəsi Avropa Konvensiyasının 46-cı maddəsinə uyğun olaraq, bir daha Azərbaycan hökumətinə Strasburq Məhkəməsinin qərarlarının icrası, xüsusən Məmmədovun dərhal azad edilməsi və fiziki toxunulmazlığının təmin edilməsi üzrə öhdəliklərini xatırladır.
Komitə həmçinin Azərbaycan hakimiyyətini dərhal prokurorlardan və hakimlərdən qanunla nəzərdə tutulmuş məqsədlərdən başqa məqsədlərlə istifadəsinin, habelə təqsirsizlik prezumpsiyasının pozulması hallarının qarşısının alınması üzrə tədbirlər haqqında məlumat verməyə çağırıb.
Komitə 2016-cı ilin iyununda keçiriləcək iclasında bu işə baxılmasını davam etdirməyi qərara alıb. Bu zaman AŞ katibliyinə Məmmədov həmin vaxta qədər azad edilməyəcəyi təqdirdə “daha ciddi tədbirlər” nəzərdə tutan qətnamə layihəsi hazırlamaq tapşırılıb.
İlqar Məmmədov 2013-cü ilin yanvar ayında İsmayıllıda iğtişaşlar yaratmaq ittihamı ilə həbs edilib və 7 il müddətinə azadlıqdan məhrum edilib. 2014-cü ilin mayında Avropa Məhkəməsi onun həbsini əsassız hesab edib və Azərbaycanı onu azad etməyə çağırıb. -06D-
Siyasət
-
Fevralın 7-də Bakı Məhkəmə Kompleksində Qarabağ separatmılarının liderlərinin işi üzrə proses dava etdirilib. İclasda ittiham aktının oxunması davam etdirilib.
-
Cümə günü ABŞ prezidenti Donald Tramp iki ölkə arasında "mənasız" müharibəyə son qoymaq üçün gələn həftə Ukrayna prezidenti Vladimir Zelenski ilə görüşə biləcəyini və Rusiya prezidenti ilə söhbət edə biləcəyini bildirib, xəbəri Turan-ın Vaşinqtondakı müxbiri verib.
-
Fevralın 6-da ABŞ Konqresinin 20-yə yaxın üzvü Xarici Əlaqələr Komitəsinə qətnamə təqdim edib və Azərbaycan hakimiyyətindən Qubad İbadoğlunun azadlığa buraxılmasını tələb edir.
Rəy yaz