Avropa Şurası Nazirlər Komitəsinin rəhbəri Bakıda hüquq müdafiəçilərinin azad edilməsi məsələsini qaldıracaq
Belçika XİN rəhbəri və Avropa Şurası Nazirlər Komitəsinin sədri Didye Reynders gələn həftə Azərbaycan və Ermənistana səfər edəcək. Bu barədə D.Reynders ötən gün Strasburqda Belçikanın AŞ Nazirlər Komitəsinə sədrliyə başlaması ilə əlaqədar bildirib.
Səfərin məqsədlərindən danışan D.Reynders deyib ki, insan hüquqları məsələsi diqqət mərkəzində olacaq. “Söhbət Krım, Donbas, Dnestryanı, Abxaziya, Cənubi Osetiya və Dağlıq Qarabağ kimi bölgələrdə insan hüquqlarınn monitorinqinin mexanizmindən gedir”, - o vurğulayıb.
“Mən Ermənistan və Azərbaycana səfər edəcəm, mənim əsas missiyam bu ölkələrin Avropa Şurası ilə əməkdaşlığını möhkəmləndirməkdir.
Həmçinin cəbhə xəttində baş verən son insidentlərlə bağlı narahatlığımı bildirmək istəyirəm. Xatırladım ki, bu münaqişənin hərbi yolla həlli yoxdur. ATƏT-in Minsk Qrupu vasitəsilə dialoq lazımdır”, - D.Reynders qeyd edib və AŞ-nin nizamlanmada iştirakının mümkünlüyünə toxunub.
Azərbaycandan olan deputatın qaçqınlar və məcburi köçkünlərlə bağlı sualının cavabında D.Reynders deyib ki, onlarla ünsiyyətdə olmaq, problemlərini bilmək, hər şeyi öz gözləri ilə görmək və Avropa Şurasının necə yardımçı olacağı barədə düşünmək istərdi.
Azərbaycanda vətəndaş cəmiyyətinə qarşı repressiyalar fonunda, ölkənin AŞPA Nazirlər Komitəsində sədrliyi və ondan sonrakı dövrdə hüquq müdafiəçilərinin həbsə alınmasını, mühacirət etməsini və ya xəstəxanaya düşməsini nəzərə alaraq Reyndersin Azərbaycan hakimiyyətinə mesajı necə olacaq? Fransalı deputat Le Bornun bu sualının cavabında belçikalı nazir deyib ki, Bakıda ikitərəfli görüşlər zamanı yalnız “narahatlığını ifadə etməyəcək, həm də bəzi adamların həbsdən buraxılmasını, bəzilərinin saxlanma şəraitinin yaxşılaşdırılmasını xahiş edəcək”.
“Belə hiss edirəm ki, Belçikanın Avropa Şurası Nazirlər Komitəsində sədrliyi dövründə hüquq müdafiəçiələrinin hüquqlarını daha səmərəli müdafiə edə biləcəyik”, - Reynders qeyd edib.-02D-
-
- İqtisadiyyat
- 23 Aprel 2015 12:22
-
- Cəmiyyət
- 23 Aprel 2015 12:33
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz