Avropa Şurasının baş katibi Ermənistanla Azərbaycan arasındakı gərginlikdən narahatdır

Bakı/17.11.21/Turan: Avropa Şurasının baş katibi Mariya Peyçinoviç Buriç Ermənistan və Azərbaycanı münaqişənin dinc yolla həllinə çağırıb.

«Mən Ermənistanla Azərbaycan arasında davam edən və insan itkisinə səbəb olan insidentlərdən narahatam. Atəşkəs haqqında xəbər yaxşı xəbərdir və mən hər iki tərəfi atəşkəs rejimini dəstəkləməyə çağırıram.

İyirmi il öncə bizim təşkilatımıza daxil olarkən həm Ermənistan, həm də Azərbaycan münaqişənin sülh yolu ilə həllinə dair öhdəlik götürüblər. Bu öhdəlik dəyişməz qalır və mütləq yerinə yetirilməlidir.

Avropa Şurası Ermənistan və Azərbaycanın öz fikir ayrılıqlarını dinc yolla aradan qaldırması yolunda  ATƏT-in Minsk Qrupu həmsədrlərinin göstərdikləri daimi səyləri tam dəstəklədiyini bir daha bəyan edir.

Biz bu iki üzv dövlət arasında etimadın möhkəmləndirilməsi və barışığa kömək məqsədilə dialoqa yardım etməyə hazırıq",-Peyçinoviç - Buriçin bəyanatında deyilir.-16D-