Bu gün Sumqayıt şəhər məhkəməsində Aqil Abbasovun sədrliyi ilə qanunsuz narkotik saxlamaqda ittiham olunan AXCP gənc fəalı Daşqın Məlikovun işinə mahiyyəti üzrə baxılması başlayıb.
Vəkil Əsabəli Mustafayevin Turan-a verdiyi məlumata görə, prosesdə martın 25-də Məlikovun saxlanmasında iştirak etmiş iki şahid və bir polis dindirilib.
Vəkilin sözlərinə görə, onlar ziddiyyətli ifadələr veriblər.
Vəkil həmçinin martın 19 və 21-də Məlikovun evinə gələn və onun siyasi fəaliyyəti ilə maraqlanan iki polis əməkdaşının şahid qismində cəlb edilməsi haqqında vəsatət qaldırıb. Bu, işin siyasi xarakterini göstərir, deyə Mustafayev bildirib.
Hakim vəsatəti təmin edib.
Proses cümə günü davam edəcək.
Məlikovun silahdaşları onun həbsinin əsl səbəbinin siyasi fəaliyyəti olduğunu iddia edirlər. Bu müxalifətçi gənclərin siyasi aksiyalarının fəal iştirakçısı olub. Bundan başqa, o, sosial şəbəkələrin fəal iştirakçısıdır. -06В-
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz