Ötən gün AXCP rəhbərinin müşaviri Məmməd İbrahimi polis saxlayıb. Bu barədə özü məlumat verib. M.İbrahimin sözlərinə görə, cümə günü sahə müvəkkili onun yanına gələrək Nərimanov rayon 17-ci polis bölməsinə getməsini istəyib. Maşında onun telefonunu alıblar.
Lakin bundan öncə müxalifətçi onu polisə apardıqları barədə məlumat verə bilib.
Şöbədə ona bildirilib ki, Demokratik Qüvvələrin Milli Şurasının martın 15-nə təyin etdiyi mitinqdə iştiraka çağırışla bağlı saxlanılıb.
Sonra onu polis rəisinin yanına aparıblar. Rəis buləndə ki, M.İbrahim saxlandığını xəbər verib, tabeliyində olanların üstünə qışqıraraq niyə buna yol verdiklərinə görə danlayıb.
Bundan sonra saxlanma haqqında protokol ləğv edilib.
Sonda M.İbrahimə razılaşdırılmamış aksiyaya çağırışın yolverilməz olması barədə xəbərdarlıq edərək buraxıblar.
Lakin M.İbrahim qanunazidd heç bir hərəkət etmədiyini düşünür.
Onun fikrincə, həbsə cəhddə məqsəd mitinqi pozmaq üçün müxalifətçini qorxutmaq olub.
17-ci polis bölməsindən şərh almaq mümkün olmayıb.—06В--
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz