AXCP rəhbərinin müşaviri Məmməd İbrahimi polis saxlayıb

Ötən gün AXCP rəhbərinin müşaviri Məmməd İbrahimi polis saxlayıb. Bu barədə özü məlumat verib. M.İbrahimin sözlərinə görə, cümə günü sahə müvəkkili onun yanına gələrək Nərimanov rayon 17-ci polis bölməsinə getməsini istəyib. Maşında onun telefonunu alıblar.

Lakin bundan öncə müxalifətçi onu polisə apardıqları barədə məlumat verə bilib.

Şöbədə ona bildirilib ki, Demokratik Qüvvələrin Milli Şurasının martın 15-nə təyin etdiyi mitinqdə iştiraka çağırışla bağlı saxlanılıb.

Sonra onu polis rəisinin yanına aparıblar. Rəis buləndə ki, M.İbrahim saxlandığını xəbər verib, tabeliyində olanların üstünə qışqıraraq niyə buna yol verdiklərinə görə danlayıb.

Bundan sonra saxlanma haqqında protokol ləğv edilib.

Sonda M.İbrahimə razılaşdırılmamış aksiyaya çağırışın yolverilməz olması barədə xəbərdarlıq edərək buraxıblar.

Lakin M.İbrahim qanunazidd heç bir hərəkət etmədiyini düşünür.

Onun fikrincə, həbsə cəhddə məqsəd mitinqi pozmaq üçün müxalifətçini qorxutmaq olub.

17-ci polis bölməsindən şərh almaq mümkün olmayıb.—06В--