AXCP sədrinin internet və telefon əlaqələri yenidən kəsilib
Bakı/15.04.20/Turan: “Artıq 2 gündür Azərbaycan hakimiyyəti AXCP sədri Əli Kərimlinin internetə çıxışını süni yolla əngəlləyir. Aprelin 13-dən 14-nə keçən gecə AXCP sədrinin nəinki özünün mobil telefonu, hətta ailə üzvlərinin mobil telefonları və mənzilin telefonu bağlanaraq onun ətraf aləmlə bütün əlaqəsi kəsilib. Bu gün, aprelin14-də isə Əli Kərimlini əvvəlcədən planlaşdırdığı müsahibəni reallaşdırmaqdan məhrum etmək üçün yenidən onun mənzilində internet kəsilib”. Bu barədə Azərbaycan Xalq Cəbhəsi Partiyasının (AXCP) bəyanatında deyilir.
AXCP hesab edir ki, ölkə hakimiyyəti artıq siyasi həssaslığını itirib, bütün dünyanın ağır günlər keçirdiyi Covid-19 dönəmində düşmən axtarır.
“Əli Kərimlinin internetinin kəsilməsi təkcə aparıcı müxalifət partiyasının liderinə qarşı siyasi senzura deyil, həm də ölkədə yüz minlərlə insanın alternativ fikir eşitmək azadlığına və sivil siyasətə vurulan ağır zərbədir”.
AXCP bu məhdudlaşdırmanın ardınca hakimiyyətin daha çirkin planlarının ola biləcəyinə şübhə etmir. Əli Kərimlinin təcrid edilə biləcəyini bəyan etməklə dünya ictimaiyyətini buna yol verməməyə çağırır.
Xatırladaq ki, Əli Kərimli aprelin 13-də jurnalist Sevinc Osmanqızına canlı yayımda müsahibə verməyə hazırlaşarkən onun telefon əlaqələri, internetə çıxışı məhdudlaşdırılıb.
Aprelin 14-də axşam saatlarında yenidən belə bir müsahibə planlaşdırılarkən eyni vəziyyət təkrarlanıb.
Rəsmi şəxslər baş verənlərlə bağlı hələ şərh verməyib. -0-
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz