Azərbaycan Aİ ölkələrinin vətəndaşlarına viza verilməsini sadələşdirə bilər

Bakı/04.06.19/Turan: Azərbaycan Avropa İttifaqı vətəndaşları üçün viza rejimini sadələşdirmək və xüsusən aeroportlarda viza verilməsini onlara da şamil etmək niyyətindədir. Bu barədə bu gün Dövlət Turizm Agentliyinin rəhbəri Fuad Nağıyev bildirib.

Onun sözlərinə görə, Aİ ölkələrindən turist axınının artırılması məqsədilə viza verilməsi prosedurunun sadələşdirilməsi barədə danışıqlar aparılır. Söhbət aeroportlarda viza verilməsindən gedir.

Ümumiyyətlə, Nağıyev qeyd edib ki, Azərbaycan tərəfi altı istiqamətdə turistlərin sayının artırılması üzrə işlər aparır. Yay mövsümündə Aİ ölkələrindən, Çin və Hindistandan turist axını gözlənilir. Cənubi Koreyadan turist cəlb edilməsi də prioritet istiqamət kimi görülür. Yaxın gələcəkdə Cənubi Koreyada Dövlət Agentliyinin nümayəndəliyinin açılması planlaşdırılır.

Nağıyevin sözlərinə görə, ilin sonuna qədər Azərbaycana turist axınının artımı 8-12% təşkil edə bilər. Bu zaman ən çox Çin, Asiya ölkələri və İsraildə turist gələcəyi gözlənilir.

2017-ci ilin yanvarında Azərbaycan artıq ASAN VISA sistemini işə salaraq, Aİ vətəndaşlarının viza almasını sadələşdirib. Bu sistem sayəsində 3 gün ərzində viza almaq mümkündür.

Bir sıra Asiya ölkələrinin vətəndaşları artıq Bakı aeroportunda viza alırlar. Bu, Bəhreyn, Çin, İndoneziya, İsrail, Yaponiya, Küveyt, Malayziya, Oman, Qatar, Səudiyyə Ərəbistanı, Sinqapur, Cənubi Koreya, Birləşmiş Ərəb Əmirlikləridir.

MDB ölkələri ilə (Türkmənistan istisna olmaqla) Azərbaycan arasında vizasız rejim mövcuddur.

İran vətəndaşları yalnız Naxçıvana gəldikdən sonra 15 günlük viza ala bilirlər. Türkiyə vətəndaşları Bakı aeroportundan 30 günlük viza ala bilirlər. -06D-