Prezident İlham Əliyev.
Bakı/03.02.23/Turan: Azərbaycan 2027-ci ilə qədər Avropaya qaz ixracını iki dəfə artırmağı planlaşdırır, deyə prezident İlham Əliyev bildirib. "Bu, tamamilə realdır, belə ki, bizim resurslarımız, qarşılıqlı siyasi iradəmiz və yüksək səviyyədə qarşılıqlı etimadımız var", deyə Əliyev Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclasında çıxışında bildirib.
O qeyd edib ki, iki il əvvəl Cənub Qaz Dəhlizi işə salınıb və hazırda onun genişləndirilməsi planlaşdırılır.
Xüsusən, TANAP qaz kəmərinin (16 mlrd. kubmetrdən 32 mlrd. kubmetrə qədər) və TAP qaz kəmərinin (10 mlrd. kubmetrdən 20 mlrd. kubmetrə qədər) gücünün artırılması imkanları nəzərdən keçirilir.
Əliyev 2022-ci ildə Bakıda Avropa Komissiyasının prezidenti Ursula fon der Lyayen ilə birlikdə Energetika sahəsində strateji tərəfdaşlıq haqqında Memorandum imzaladığını xatırladıb. "Bu, energetika sahəsində strateji tərəfdaşlıq haqqında gələcək planlarımız üçün yol xəritəsi olan bir sənəddir", deyə Əliyev bildirib.
Onun sözlərinə görə, Azərbaycan qaz ixracını ildən-ilə artırır. "2021-ci ildə ixracatımız 19 mlrd. kubmetr, 2022-ci ildə 22,6 mlrd. kubmetr təşkil edib, 2023-cü ildə 24,5 mlrd. kubmetr təşkil edəcəyi planlaşdırılır", deyə Əliyev qeyd edib.
Xatırladaq ki, Aİ ölkələrinə - Yunanıstan, Bolqarıstan və İtaliyaya qaz ixracı ilə yanaşı, Azərbaycan Gürcüstana və Türkiyəyə də mavi yanacaq tədarük edir.
Fevralın 3-də Bakıda "Gülüstan" sarayında Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclası keçirilir.
Tədbirlərdə Avropa Komissiyasının, Rumıniya, Türkiyə, İtaliya, ABŞ, Böyük Britaniya, Gürcüstan, Macarıstan, Rumıniya, Bolqarıstan, Yunanıstan, Albaniya, Moldova, Monteneqro, Serbiya, Ukraina və Xorvatiyanın yüksək vəzifəli nümayəndələri iştirak edirlər.
Bundan başqa, iclaslarda SOCAR, BP, BOTAŞ, TANAP, TAP, TPAO, TAQA, Bulgargaz EAD, Bulgartransgaz, İCGB, Fluxys, ROMGAZ SA, SACE, Desfa, TotalEnergies, FGSZ Ltd, SNAM, Uniper, Petronas, ACWA Power, Masdar, Fortescue Future Industries, WindEurope, SolarPower Europe energetika şirkətləri təmsil olunur.
Maliyyə institutlarından Dünya Bankı, Beynəlxalq Maliyyə Korporasiyası, Avropa Yenidənqurma və İnkişaf Bankı, Avropa İnvestisiya Bankı, Asiya İnfrastruktur və İnvestisiya Bankı, Asiya İnkişaf Bankı və digərləri iştirak edirlər. 06В
Siyasət
-
Sentyabrın 27-də Azərbaycanda Anım Günü, dərin milli düşüncə və həlak olmuş qəhrəmanların xatirəsinin ehtiramla anılması günü qeyd olunur. Bu tarixi keçmiş Dağlıq Qarabağ Muxtar Vilayəti ətrafındakı işğal olunmuş ərazilərin, o cümlədən Hadrut rayonlarının və Şuşa şəhərinin azad edilməsində həlledici rol oynayan 2020-ci ilin 44 günlük müharibəsində canlarından keçmiş şəhidlərin xatirəsini əbədiləşdirir. Azərbaycanın ərazi bütövlüyünün bərpası bu müharibənin ən mühüm nəticəsi idi.
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
-
Sentyabrın 26-sı saat 16:10 radələrində Ermənistan silahlı qüvvələrinin bölmələri Gorus rayonunun Ərəvus yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi
-
Bu gün Bakı Ağır Cinayətlər Məhkəməsində iflic fəal Famil Xəlilovun işi üzrə proses davam edib.
Rəy yaz