![Açiq mənbələrdən foto.](https://turan.az/resized/media/2021/main/080200036364-750-500-resize.webp)
Açiq mənbələrdən foto.
Azərbaycan daha 20 ölkənin sakinlərinin ölkəyə giriş-çıxışına icazə verib
Bakı/02.08.21/Turan: Nazirlər Kabineti vətəndaşlarının hava yolu ilə Azərbaycana gəlişinə icazə verilən ölkələrin siyahısını genişləndirib.
Belə ki, avqustun 5-dən etibarən daha 20 ölkədən - Almaniya Federativ Respublikası, Avstriya, Belçika, Çexiya, Danimarka, İrlandiya, İspaniya, İsveç, İsveçrə, Kanada, Lüksemburq, Malta, Niderland, Polşa, Portuqaliya, Serbiya, Sinqapur, Sloveniya, Slovakiya, Yunanıstan vətəndaşlarının və həmin ölkələrdə daimi yaşayan digər ölkə vətəndaşlarının Azərbaycana gəlişinə qoyulan məhdudiyyət aradan qaldırılır.
Həmin ölkələrin, habelə vətəndaşlığı olmayan şəxslərin Azərbaycan Respublikasına giriş-çıxışına yalnız COVID-19 pasportu (COVID-19-a qarşı tam peyvənd olunmasını və ya COVID-19-dan sağalaraq immunitetə malik olmasını təsdiq edən sənəd) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən sənəd əsasında icazə verilir. Bu şəxslər Azərbaycan Respublikasını tərk edərkən onlardan COVID-19-a dair PCR testi tələb olunmur.
Bundan əvvəl, iyunun 10-dan etibarən Rusiya və Türkiyə, iyunun 21-dən isə ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan və Qatar vətəndaşlarının ölkəyə gəlişinə icazə verib. -16D06-
-
- İqtisadiyyat
- 2 Avqust 2021 15:46
-
- Bazarların icmalı
- 2 Avqust 2021 15:53
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz