![Açiq mənbələrdən foto.](https://turan.az/resized/media/2023/main/060800063206-750-500-resize.webp)
Açiq mənbələrdən foto.
Azərbaycan Demokratiya və Rifah Partiyası Ziyafət Abbasovaya təzyiqi pisləyir
Bakı/08.06.23/Turan: Azərbaycan Demokratiya və Rifah Partiyası bəyanatla çıxış edərək Azərbaycan hakimiyyətinin bu təşkilatın fəalı Ziyafət Abbasovaya təzyiqlərini pisləyib.
Sənəddə qeyd olunur ki, iyunun 6-da polis onu yaşadığı sığınacaqdan zorla götürüb və psixi sağlamlıq problemi olmasa da, ruhi dispanserə xəstəxanaya aparıb.
Partiyada əmindirlər ki, bu, Abbasovanın fəal vətəndaş mövqeyi, etiraz aksiyalarında iştirakı, sosial şəbəkələrdə hakimiyyətin ünvanına kəskin tənqidi çıxışları ilə bağlıdır.
"Hakimiyyətin öz tənqidçilərinə tolerant yanaşma qabiliyyətinin olmaması, avtoritar düşüncənin yaratdığı dözümsüzlüyü, real sosial, hüquqi və demokratik azadlıqlara kor olması, həqiqəti ifadə edən şəxsləri, hətta psixoloji dispanserə saldıracaq qədər qəddar qərarların qəbuluna əl atmasına yol açır”, - bəyanatda deyilir.
Azərbaycan Demokratiya və Rifah Partiyası Abbasovada irsi qan xəstəliyinin və ciddi müalicəyə ehtiyacının olduğunu nəzərə alaraq, fəala qarşı güc hərəkətlərinin mümkün nəticələrinə görə məsuliyyəti ölkə rəhbərliyinin üzərinə qoyur.
"Əldə edilən məlumatlara görə, adi xəstəxanaya köçürülmüş Abbasovanın vəziyyətinin qənaətbəxş olmasına baxmayaraq, yerli polis bölməsinin onun haqqında indiyə kimi aldığı qərarların hüquqi bazasını yaratmaq istiqamətində qurama istintaq hərəkətlərinə baş vurması haqda məlumatlar var, - bəyanatda deyilir.
Partiya fəala qarşı təqibə dərhal son qoyulmasını tələb edir. 06D
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz