![Azərbaycan hakimiyyəti ömürlük məhkuma kompensasiya verəcək](https://turan.az/resized/750/500/resize/media/2013/main/070400041560.jpg)
Azərbaycan hakimiyyəti ömürlük məhkuma kompensasiya verəcək
İyulun 4-də Avropa İnsan Hüquqları Məhkəməsi ömürlük məhbus Şakir Rzaxanovun şikayətinə baxaraq İnsan Hüquq və Azadlıqlarının Müdafiəsi üzrə Avropa Konvensiyasının 3-cü maddəsinin (işğəncələrə qadağa) pozulduğunu müəyyən edib, mənəvi zərərə görə ona 7500 avro məbləğində kompensasiya təyin edb və 2000 avro həcmində xərcləri müəyyən edib.
Məhkəmə müəyyən edib ki, Ş.Rzaxanovun saxlanma şəraiti “həbsxanaya aid olan zəruri səviyyəni keçib və qeyri-insani, alçaldıcı davranış kimi baxılmalıdır”.
Ş.Rzaxanovun AİHM-dəki nümayəndəsi, Azərbaycan Hüquq Müdafiə Mərkəzinin direktoru Eldar Zeynalov Turan-a bildirib ki, Ş.Rzaxanov 1998-ci ildə barəsində çıxarılan ölüm hökmü ömürlük həbslə əvəz olunan 128 məhbusdan biridir. Həmin vaxtdan o, Qobustan həbsxanasında saxlanılıb. Bu həbsxana şaxlanma şərati, personalın davranışı ilə bağlı çoxsaylı şikayətlərin olduğu, ömürlük həbs cəzasının verilməsi zamanı qanun pozuntularına yol verildiyi yer kimi tanınır. 2008-ci ilin fevralında həbsxana rəisi onu karserdən düzəldilmiş təkadamlıq kameraya yerləşdirib. Bu qərar formal olaraq 5 aydan sonra rəisin əmri ilə hazırlanıb, ilk dəfə isə 2009-cu ilin avqustunda izolyasiya şəraitində saxlandığı vaxtdan bir il yarım sonra yenidən baxılıb. Ş.Rzaxanovun 2 il və 10 ay təkadamlıq kamerada saxlanmasının səbəblərindən biri onun rəsmi şikayətləri olub ki, qanuna görə onun bunu etməyə tam ixtiyarı olub. Həmçinin Avropa Məhkəməsi 2008-ci ildə həbsxanaya baş çəkmiş İşgəncələr Əleyhinə Avropa Komitəsinin hesabatını nəzərə alıb.
Qeyd edək ki, bu, Azərbaycandan olan ömürlük məhbuslar üzrə Strasburqda AHHM-nin köməyi ilə təmin edilən altıncı şikayətdir.02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz