Açiq mənbələrdən foto.
Bakı/08.09.23/Turan: Sentyabrın 9-da Bakıda Azərbaycan-İran birgə hərbi komissiyasının iclası keçiriləcək.
İranın Tasnim İnformasiya Agentliyinin məlumatına görə, hərbi və müdafiə sahələrində əməkdaşlıq məsələlərinin müzakirəsinə dair iclasda iştirak etmək üçün İran Silahlı Qüvvələri Baş Qərargahının nümayəndə heyəti Azərbaycana gəlir.
Ötən ay İran Silahlı Qüvvələrinin Baş Qərargah rəisi Azərbaycanın müdafiə nazirilə telefon danışığı zamanı hərbi sahədə ikitərəfli əməkdaşlığın möhkəmləndiyini qeyd edib.
İran nümayəndə heyətinə müdafiə nazirinin müavini, briqada generalı Mehdi Fərhi rəhbərlik edəcək.
Azərbaycan Müdafiə Nazirliyindən şərh almaq hələlik mümkün olmayıb.
Azərbaycan-İran birgə hərbi komissiyasının əvvəlki iclası 26 fevral 2020-ci ildə keçirilib
*Avqustun 23-də İran Silahlı Qüvvələrinin Baş Qərargah rəisi Məhəmməd Baqiri Azərbaycanın müdafiə naziri Zakir Həsənovla telefon danışığı zamanı bildirib ki, ümumi sərhədlərdə təhlükəsizlik və sülhün yaradılması yalnız qonşu dövlətlərin birliyilə mümkündür, əcnəbilərin iştirakı isə gərginlik və münaqişələr yaradacaq.-06В-
Siyasət
-
Avropa İttifaqı Şurasının Prezidenti Antonio Koşta yanvarın 9-da Azərbaycan Respublikasının Prezidenti İlham Əliyevə zəng edib.
-
Ermənistanın baş naziri Nikol Paşinyan Facebook səhifəsində regionda uzuznmüddətli sülhün bərqərar olması ilə bağlı təkliflərini dərc edib. Bu təkliflər arasında o, Azərbaycana təkcə beynəlxalq məhkəmələrdə deyil, ümumiyyətlə də qarşılıqlı iddialardan imtina etməyi təklif edib.
-
ABŞ Ukrayna üçün yeni və prezident Co Baydenin administrasiyası dövründə sonuncu hərbi yardım paketini açıqlayıb. ABŞ-ın müdafiə naziri Lloyd Ostin Almaniyada bildirib ki, yardımın məbləği 500 milyon dollar təşkil edir.
-
Bakıda 10 yeni metro stansiyasının inşa ediləcəyi gözlənir. Bu barədə yanvarın 7-də jurnalistlərlə görüş zamanı prezident İlham Əliyev danışıb.
Rəy yaz