Azərbaycan-İran sərhəddini pozanlar silahlı müqavimət göstəriblər
Bakı/06.07.21/Turan: Ötən gecə Cəlilabad rayonunda dörd nəfər sərhəd pozucusu İran tərəfdən Azərbaycan ərazisinə girməyə cəhd göstərib. Sərhədçilərin həyata keçirdikləri tədbirlər nəticəsində pozuculardan biri zərərsizləşdirilib, üç nəfər 6 kiloqrama yaxın narkotik maddəni ataraq İrana qaçıb.
Azərbaycan Dövlət Sərhəd Xidmətinin məlumatına görə, iyulun 5-də saat 23:45-ə yaxın Cəlilabad rayonunun Sərxanlı kəndi yaxınlığında sərhəd dəstəsi İran tərəfdən beş nəfərin dövlət sərhəddini pozduğunu aşkar edib.
Sərhəd pozucularında silah və gecə görmə cihazları olub. Bununla yanaşı, onların birində içində narkotik maddənin olduğu ehtimal edilən paket olub.
“Dayan!” əmrinə və havaya açılan xəbərdarlıq atəşinə baxmayaraq, pozucular tabe olmayıblar və silahlı müqavimət göstəriblər.
Atışma zamanı sərhəd pozucularından biri, Azərbaycan vətəndaşı Məzahir Sahil oğlu Qurbanov (1992-ci ildə anadan olub) yaralanıb və xəstəxanaya çatdırılarkən vəfat edib. Qalanları isə geriyə İrana qaçıblar.
Sərhəd pozucularının yerə atdığı yükə baxış zamanı ümumi çəkisi 6895 qram narkotik maddə tapılıb. O cümlədən, 4065 qram heroin, 1385 qram tiryək, 325 qram metamfetamin, 1000 həb metadon, 260 həb preqabalin aşkar edilib.
Bundan əlavə, paketdə 10 ampul Ravit-8, 30 kapsul Vellman, 10 ampul – testosteron aşkar edilib.
Hazırda Dövlət Sərhəd Xidmətinin və Baş Prokurorluğun əməkdaşları tərəfindən əməliyyat-istintaq hərəkətləri həyata keçirilir.- 06B-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz